[محمود]

خييي بدك تحكيلي حقوق الإنسان ..

والإسلام أكثر إنصافا ً اله ..

شكلك درست العلمانية ومقتنع فيه ..

بتمنى منك تدرس الدين اللإسلامي وتشريعاته ..

انتا عم تحكيلي عن الختان و انتهاكات حقوق الإنسان ،،

وما شفت الدول العلمانية كيف بتنتهك حقوق الإنسان مثل اسرائيل ..

ماشفت انتهاكات حقوق الإنسان في القتل والتشريد والتشويه والدمار والبغي والزنا والمنكر ..

هذا اسمو مفهوم العلمانية ..

اما موضوع الختان للبنات ، بصراحة ما شفت حدا من الفلسطينية بساوو ختان لبناتهم حتى أهل الدين منهم ..

لهيك ما بقدر اجزم بهالموضوع الا بعد ما أكون ملم فيه ..

موضوع الختان في الدين الإسلامي مش نص قرآني وهوي في كتاب الطهارة ،، لهيك يا اخي العزيز

محتاج تفاصيل من انسان عالم في أصول الدين ورح اسألك فيه ..

وأقرب وقعه بتقع فيها وبتلاقي التشريع العلماني ما بعجبك بتروح ع التشريع الإسلامي بتلاقيه منصف الك ..

المرأة العفيفة الطاهرة هوي منهج الدين الإسلامي ..

هيي أساس المجتمع ونبراسه ..

ان فسدت المرأة فسد المجتمع ..

مثل ما قال الشاعر ..

الأم مدرسة اذا أعددتها أعدت شعبا ً طيب الأعراق ..

وخليني اقربلك المثال ..

عمالك بتحكي انو البنت لو نشأت في بيت ملتزم بتكون البنت ملتزمة

ولو نشأت في بيت مش ملتزم بتكون استغفر الله ..

والعلمانية تركت حرية الموضوع في هالجهة ..

لكن شو اساس البيت الملتزم عندك في وجهة نظرك ..

وشو بتفضل تكون أختك من بيت ملتزم ؟ ولا من بيت غير ملتزم ..

ولو كانت في بيت ملتزم ، والمجتمع مش ملتزم وعندك علمانية بتتركها براحتها ؟؟

تختار التزامها !!

ثاني نقطة ما تنسى انو الدين حددت هالنقطة وحدد تفصايلها ..

أعتقد انو لو بدك تتجه للحرية الشخصية وتصير تفكر في مبدأ جنسي (حيواني )

رح تلاقي انو بدك المجتمع يكون فيه بنات للكيف وبنات للعيف ..

لكن لو قربت المثال وحسيت انو صار الموضوع يمس في شرفك ..

وقتها بتقول بيت ملتزم !!!

لهيك خيي الأمور أوعى من الي انتا بتحكيه ..

الحرية في الدين حرية مطلقة بحدود مطلقة ربنا صقلها مشان المجتمع وكيان هالدين الإسلامي ...

معك حق انو تقتنع في العلمانية في هالظروف الي بتشوف فيها المسلمين ما بطبقو الدين الاسلامي صح ومع الحملة

الي عم تنشن ضد الاسلام ..

لكن باليوم الي بتعرف فيه شباب مسلم رح تغيير وجهة نظرك في الدين الاسلامي والعلمانية ..

احترامي لك ..