[ABU-NOUR]

---------------------------------------------

قصة تعرفي على (( منتدى شباب فلسطين ))

هذا اللهم اجعله خير ..


مرة كنت ماشي ماشي ماشي , بس ما ميلتش :D



امممممممممــ

في الي ابن خالة اسمه (( سامر مسجل هنا باسم ابو فادي )) طبعاً ما بيدخل لانو مشغول بشغله ,,

مهندس بالامارات حالياً . الله يوفقه

جاى عنا ع البيت ,,

فتح موقع شباب فلسطين ,, وحكالنا انو هو وشب اسمه محمود مطر وشب اسمه محمد (( فارس فلسطين ))

عاملين هالموقع ,

قللنا انو محمود هو مديره ,, اما سامر هو المدير الفني ..

قلت ادخله واشوفه ..

دخلت وسجلت باسم (( النــــمر الوردي ))

وشاركت اكم من مشاركة وما رجعت ,,

دخلت الشات , كان فيه شات زمان ,,


طلبت من محمود اكون مراقب

وصرت مراقب في الشات ,, وكنت مبسوط كثير

لانو اول مرة اكون مراقب في شات ,,

كنت زمان افكر محمود هيك كبير بالعمر ,, يعني 40 , 43 سنة

لمن شفته ما صدقت ,,

بعدين ,, بعدها تركت المنتدى والشات ,, وفتحت موقع .. سيمته (( بوابة المستقبـــل ))

طبعاً أخذت اعضاء من هنا لموقعي .. وما كنت بفكر انو محمود راح يزعل ,,

الموقع ظلو شغال سنة ,,

اجت الامتحانات ,,

قلت خلص مدام هيك خليني انتبه لدراستي بلا مواقع بلا بطيخ ,,

كلمت محمود ع المسنجر ,, واعطيتو باسوورد والاسم لدخول لوحة تحكم الموقع ,, وطلبت منه انو يسكره

هو ما صدق ههههههههههه ,,

راح سكره وكتب انتقل على منتدى شباب فلسطين وحط الرابط ,,


بتأسف الك كثير محمود اذا ازعلت ايامها ,, باخذتي للاعضاء


بعدها رجعت ع شباب فلسطين ,,

وقلتله بدي اغير اسمي ,, قلي ومالو ,, هات اسم

قلتلو خليه (( الجنــــــرال ))


وصار اسمي الجنرال ,,

وقعدت فترة كبيره باسم الجنرال ,, واشارك واساعد واعمل ..

صارو الي يجو جديد يسمو حالهم الجنرال ,,


قلت شو هالشغلة هاي ,,

قلتلو غير اسمي ,,

قاللي هات اسم

سميته ABU-NUR

وهيو هالقيت ابو نور

لكن بعد فترة صارو الناس يدخلو ويسجلو باسم ابو نور بالعربي

لحقوني ع اسمي

مش عارف ليش مستقصديني :(

يلا بعين الله

أنا مسجل في أكثر من منتدى

يعني بيجي حوالي 500 منتدى ههههههههه ..

كل منتدى بدخله ,, بشوفه اذا اعجبني محتواه ,, بسجل فيه لحتى اكون متذكرو يمكن يلزم في برامج او اشي هيك ,,

بس اكثر منتدى ملتزم فيه وبدخله كثير هو منتدى شباب فلسطين


هيك مش عارف حبيت أعضاءه ,, حاسس انو بيتي ,, شي هيك بربطني فيه ,,


والحمد لله

اتفضلو اشربو شاي