[ايــاد]

شوف يا اياد لأني مابدي غلبك مش راح أطلب صور راح اسألكـ بس

اوكـ برضو ازا بدكـ صور بجيب ولا يهمكـ

مابدي اضيع وقت نفوت بالطلبات

ما تخافي رح اجيب كل الطلبات قبل الموعد ان شاء الله

بسم الله .. توكلنا على الله ..

الأسئلة الشخصية هلأ

1_ شو إسمكـ ؟

ايــاد راجح حمايــل

2_ عمركـ

22

3_ شهاداتكـ وخبراتكـ

توجيهي ناجح بس

4_ كم أخ إلكـ

6 وانا معهم بنصير 7

5_ كم أخت إلكـ

5 بنات

6_ ئديش ترتيبكـ بين أخوانكـ

اربعه بالشباب

7_ئديش رصيدكـ بالبنكـ

بالبنك انا ع الاآآآئحه السودااء مسكر حسابي ههههههههههه

اما بالبيت معي والحمد لله

8_ صارلكـ كم سنه بتشتغل

تلات سنين

9_ عمركـ رحت أي دوله أجنبيه وياريت تحكي اي دوله رحت

رحت ع كتير دول طبعاا سفر عمل مع ابوي مو شمة هوا

رحت ع تركيــا عشان نشتري قماش للصالونات

رحت ع الصين عشان غرف النوم والبضائع المتنوعه

رحت ماليزيا + اندونيسيا عشان برضو البضائع

رحت الامارات العربيه المتحدهـ هااي عشان انزور قرايبنا رحت فيهم عل فجيرهـ الي فيها قرايبنا ورحت العين وابو ظبي والشارقه ودبي

طبعاا الامارات أحلا اسبوع بحياتي قضيتو فيها

رحت ع السعوديهـ عمرهـ مع اصحابي

وطبعا ما بننسا عمــان الي كتير كتير رحتي

ومعي فيز لامريــكا بس لهسا ما رحت ولا مرهـ ابوي وتنين من اخوتي هنــاك



10_ كم مره حجيت وكم مره اعتمرت

لحد هسا ما حجيت بس عمرهـ مرهـ وحدهـ

11_ شو أخر مسج وصلكـ عالايميل وعالموبايل

ع الموبايل

نحنا عم بنشوف شو عم تعمل بموضوع تطليع المرارهـ

12_ اول رقم بموبايلكـ بإسم مين ؟

ابو عماد ... عمي

13_ كم ساعه بتنام باليوم

7 ساعات تقريباا

14_ كم وجبه بتاكل باليوم

وجبه الظهر ووجبه لما اروح من الشغل بالبيت


15_ شو أكتر أكله بتحبها

الملوخيــهـ وبس وما بحب ولا شي غيرهـا بالطبيخ

16_ عمركـ عملت حادث بالسياره لا سمح الله وياريت تشرحلي كيف صار الحادث ^.^

انا لأ بس صاار معي حوادث وانا بالسيارهـ بس مش انا بسوء

مرهـ سنة ال 2005 وتحديدا قبل ما تبدء سنة 2005 بثواني كنا مروحين من كفرمالك ع رام الله كنا خمس شباب بالسيارهـ

وحنا طالعين الطلعه ولسا يا دووب طالعين فيها

نازله سيارهـ بسرعة الصارووووووووووخ

يا الله خبطت فينا بطرف سيارتنا من جهت الشماال

ابن عمي كان يسوف وبس من الله ما متنا

مجموع الي كانو بالسيارتين 9 شباب

كلنا نمنا بالمستشفى

كان حادث مروع بشكل فضيع الي شاف السيارتين حكا هدوول لازم يموتو

بس الحمد لله كانت الاصاباات عاديه

يعني أكم كسر ع اكم تعليمه ع هيك اشيا



17_ موقف مر عليكـ بحياتكـ مابتنساه

مرهـ أيام المراهــقهـ كنت متل العنجد أحب بنت

ومرهـ قلت يا ولد خليك جريئ وأعطيها وردهـ

المهم بيوم وانا طالع عل مدرسهـ قطفت وردهـ واختها معي عشان اعطيها للبنت

بصراحه ما عرفت كيف اعطيها اياها ما عندي الجرئه

المهم شفت ولد اصغير بالشارع أعطيتو شيكل وحكيتلو شايف البنت الي واقفه هنااك أعطيها هااي الورده

أعطاها اياها واخدتها

مسكتها وبدها تحكيلي شكراا من بعيد وهيا ماسكيتها

ئآآآمت الوردهـ انئطمت ضل الفرع بي ايدها والوردهـ وئعت

يـــــــــي صرت متل حبة البندورهـ واصحابي ضحكو علي

وتركتها وضلت رايحه


18_ مواليد اي سنه وشهر ويوم كمان

موليد 1986 شهر 5 ما بعرف اي يوم بالزبط كيف بدي احسبها

19_ أحكيلي شو كان شعور أهلكـ لما أجيت عالدنيا

ما كان عندهم شعور ابوي كان بالشغل وصدفه شافني هههههههه يعني استغرب مين هااد
وامي مسكينه لسا كان اخوي بحضنها يعني مش فاضيالي ههههههههههه

20_ قديش نسبتكـ من أولى ابتدائي لحد الجامعه أحكيلي كل سنة قديش جبت فيها النسبه مع التقدير

سؤال صعب بصراحه

بس انا تيس بالمدرسه طول عمري تيس فيها علاماتي زي الزفت

40_ بعد كل هالأسئلة وبعيد عنهم وعن زناختهم أحكيلي شو رأيكـ بوردة الأقصى بصراحه

اوكـ

وردة الاقصـى

انتي وحوريه اول من لفت انتباهي بالمنتدى

ما شاء الله عنكـ طريقت كتير مميز بالردود وتواجدكـ ببان على طول بالمنتدى

كتيــر بفرح لما بشوفك رديتي عشي موضوع انا منزلو

انتي اذا رحتي من المنتدى والله بصير مش حلو انتي وحوريه كمااان

فا

خليكي منورانا ع طوول

الحياهـ من غيركو شوربهـ



ارجعي نورينــا بطلباتكــ