[Arabian girl]

المشاركة الأصلية كتبت بواسطة نسمة بلادي موضوع كتييير حلوو وياما صارت معي مواقف محرجة شو بدي احكي لأحكي

بس الموقف الي سار معي مش بالغربة وانا كمان مش مغتربة فلسطينية وعايشة في فلسطين

فحابة احكيلكم هاد الموقف الي سار معي ......

مرة يا جماعة رحنا انا وصحباتي ع المسجد الاقصى لحتى نصلي فيه وبعدها نطش

ع اكمن مكان وهاد كان في رمضان الي مضى فلما دخلنا الاقصى وصلينا فيه

كنا نحط الكنادر والبوات برة في الخزانة المخصصة وانا كنت لابسة بوت (حذاء رياضي)

وكانت امي جابتو الي جديد من عمان المهم وانا عمالي بشلح بالبوت كانت

وحدة تطلع عليه شكلها كانت معجبة فيه فصابني احساس انو لما اخلص

صلاة رح اطلع وما رح الاقيه ومن ذكائي خليتو في مكانو ما اخدتو وخبيتو

معي ولما خلصنا صلاة فعلا اطلعت ما لقيت بوتي اختفى انجنيت وطار عقلي

وقعدت اسأل هون وهناك وما حدا شافوا وشكيت في هديك المرى وطول الوقت

بحكي الله لا يسامحوا الي اخدو بهدف السرقة والله يسامحوا ازا كان محتاج الو

او اخدو بالغلط هلا بضل مشكلة كيف بدي ارجع ع البيت هل ارجع حافية القدميين

المهم حكيت لاختي وصاحبتي يروحوا يشتروا واحد جديد من السوق وانا ضليت انا

وصحباتي التانيات ندور عليه قلبنا المسجد قلب ما لقينا ولما رجعت اختي وصاحبتي

واشتروا الي اشي وكانت المفاجئة الكبرى والصاعقة احزرو شو جابولي والله جابولي

بابوج بلبسوا العجايز ولونو ازرق فاقع وبلمع وببرق زي اكني رايحة ع عرس ولي يومها

شو عصبت عليهم والمصيبة انهم راحو اشتروا من محل للسياح وغالي كتير وهو مش

مستاهل المبلغ الي محطوط فيه ولا كمان مراعيهم وحضرتهم ما لقوا غير الا سوق السياح

قال السوق العادي مسكر ولما اجينا بدنا نرجع ع البيت كان منظر البابوج بضحك وماشية

وبحاول اخفيه واخجلت كتير من منظري وما صدقت لحتى اوصل البيت واخير لما وصلنا البيت

كنت فارطة ع حالي من الضحك وانا بتزكر بهالموقف وطول الطريق انا واختي

وبنت جيرانة بنضحك هههههه ..... بجد كان يومها صارت احداث عجيبة غريبة والله نكدت عليهم الرحلة .....

بس مع هيك لما روحنا وفي الطريق اتزكرنا كل شي هاد اكتر شي انبسطت عليه لما

ارجعنا ع البيت وستي بهدلنتي ضلت تحكيلي انتي هبله تحطيه وتروحي وانا فارطة

ع حالي من الضحك وشو بحكيلها والله ما كنت اتوقع انو في المسجد الاقصى

يسير سرقات بهاد الشكل هههههههههه
......

والله يا غزاوية كل ما اتزكر هاد الموقف بموت من الضحك لانو هاد اكتر موقف ترك اثر كبير عندي

هههههههههههههههههههههههههههه
والله موقفك ضحكني يا نسومة ^^