[اميرة باخلاقها]

اوك انا راح ابلش بالحكي عن عيلتي

انا من عيلة صغيرة عبارة عن ولدين وبنتين وانا الكبيرة

وبما انو ماما وبابا بيشتغلو من احنا وصغار كنت انا المسؤولة عن اخواتي بغيابهم

لهيك بتلائي علاقتي فيهم اكتر من اخت واختها

يعني انا اخي الصغير بعتبرو مخزن اسراري كل شي بيصير معي بحكيلو اياه

الناس بستغربوه من علاقتنا لانو انا وياه ورا بعض يعني يلي على روس بعض لازم يكونو دايما طوش ومشاكل

بس احنا ما في متلنا

كتييير ساعدني وكان بالنسبة الي ضهري مع انو عمرو 12 سنة بس

اخي الاصغر ما بهمو غير بطنو والاكل يعني لو حطيتو على طاولة ما بيقصر فيها
علاقتي في جيدة يعني بنتمشكل معاه شوي لانو ما بيعجبني اطباعو

بس بالاخير حلوة علاقتنا

اصغر وحدة واخر العنقوووود بحبها وبموووت فيها

بفديها بحالي

انا قعدت 11 سنة بدون خوات ولما اجت الدنيا ما كانت واسعتني من الفرحة

لهلأ بعتبرها دلوعتي
بعمري ما ضربتها او صيحت عليها

وين ما اروح ووين ما اجي باخدها معي

متل ظلي

راح احكيلكم هلأ عن علاقتي بامي وابوي

ماما متل صديقتي

بس علاقتي فيها مش علاقة الام ببنتها لانو هي من اول ما وعيت على الدنيا بتشتغل ومش بالدار

يعني العلاقة بينا عادية

بس اي شي بيصير معي بحكيلها اياه وما بخبي عنها شي

وهي بتعطيني نصائح وكأنها صديقة

انا تعودت على هيك

ويمكن ماما هيك بتحب لانو طول عمرها عايشة بره واخدت من الاطباع الغربية اكتر من الاطباع يلي هوون

اما بالنسبة لبابا شي تاني

يعني ما اظن انو في اب احن من هيك

صحيح ما بشوفو كتييير

يعني مرات باليومين ما بشوفو
بس ابوي حنون لدرجة مش طبيعية

ومرات بكون عصبي

بس بخاف على مصلحتنا لدرجة مش طبيعية

وبخاف علينا لدرجة مش طبيعية

ومرات خوفو الزايد بسببلنا مشاكل

راح اعطيكم مثال

مرة اخي كان بيسعل كتييير
وبابا خاف علي كتييير
وانا بابا بيشتغل طبيب

راح على علبة الادوية واخد دوا للسعلة

وفتحو وشربو لاخوي

بعدها ماما بتشوف الدوا طلع منتهي مفعولو

يعني من خوفو على اخوي واستعجالو سبب المشاكل

بس بالنهاية انا بالنسبة الي بابا انسان ما في منووو

اممممممم

بعتبر تيتا وسيدو اهل ماما نص حياتي

بفديهم بعمري

هيك بكون لخصت حياتي مع اهلي