[السيف عدي]

طيب هلا كلكم آرائكم رائعة ومتميزة وعرضتو السلبيات والايجابيات ..

خلينا هلا نفوت بنقطة تانية عن ادمان النت .. وهي ..

شو السبب اللي بخلي شب او بنت يدمن النت .. ؟ وما يكون واقعي في الحياة ..

يعني هالطاقة الاجتماعية اللي عندك للتواصل والاستمتاع بالوقت .. ليه ما تمارسيها في الواقع ..

مع صحباتك تطلعي تنزلي .. ليه بتفرغيها في النت ؟ هل لانو النت ما بعكس شخصيتك وشكلك الحقيقي ؟

هل هو نوع من الهروب السهل من المجتمع ؟ يعني اي انسان مدمن في النت بكون فاشل اجتماعيا ؟

وما نجح في تكوين صداقات بالواقع .. وهرب للنت .. لانو في النت الرموز والصور الافتراضية والالوان ..

بتكون بديل عن الحركات والكلام وطريقة التصرف في الواقع .. فاحنا بسهولة ممكن نجذب الناس على النت

وبالمقابل ما بنقدر نجذبهم في الواقع لانو ما عنا الامكانيات الشخصية والاجتماعية عشان ننجح في الواقع ..

فندمن على النت . وهل النت عباره عن وهم .. اشي بعيشك في خيال كبير كتير .. مدة طويلة .. متل الحشيش ؟

وفي نقطة تانية مهمة جدا .. وهي هل الادمان ع النت بكون بديل عن الفراغ العاطفي ؟ يعني الانسان اللي عنده

علاقة عاطفيه ناجحة بيقل ادمانه على النت وما بيعطي اهتمام كتير .. وهاد بفسر انو معظم المتواجدين ع النت

بكونو من الشباب والصبايا العزاب .. وصعب تلاقي بنت متزوجة وعندها اولاد ومدمنه ع النت .. ؟

اتمنى تجاوبوا على الاسئلة اللي طرحتها .. مشكورين ..

وبانتظار خيتو حنان لتعرض وجهه نظرها ..