[.:.!دموع الرحيل!.:.]

السلام عليكم حبيبتي ..

قبل ما أحكي أي شي .. بحب أقولك معـك حق تـاخدي ع خـــاطرك ..

وبعتذر منـك بإسـم الأعضـاء كلهـم ..

بس حبيبتي بدي قولك شغله .. يمكن انتي فعلا حاملة هم القضية الإسلامية قبل ما نحكي

الفلسطينية .. وبتحكي بفخر عنـنـا ..

بس كمـان الأعضـاء الي كتبوا هالحكي خصوصي الي برا فلسطين ..

ما كتبوا هالكلام من فراغ ..

حبيبتي المعانـاة الي بنعانيـهـا من طريقة معاملة أهل البلاد التانيه

بتخليـنـا غصب عننـا نحمل عليهم .. بس أكيد

مش الكل .. أكيد بكل شعب في نـاس فهمانه انه القضية قضية إسلامية

مش وطنية ..

وما الكلام الي طلع من الأعضـاء الا ردة فعل حبيبتي ..

انا عايشة برا فلسطين ..

ومش ببلد خليجيه ..

والكلام الي بنسمعه بوجهنـا .. بيجعل الي عمره ما عرف يحقد ويكره ..

يكره !

يعني مين الي بدا ؟ !

أهالي البلاد بعايرونـا .. وكأننـا قاعدين ع قلوبهم .. وبسمعونـا كلام ما حدا بيرضاه ع حاله ..

يعني الكلام عن الوطنية .. والحساسيات .. بتبلش عند أهالي البلاد ..

والي بيطلع مننـا هو ردة فعل مش أكتر ..

بس انا معك بنقطة .. أنـه مش لازم نجمل الكل ..

لأنه فعلا بكل مكـان في ناس بتقدر قضيتنـا ...

وفي نـاس منكم .. اقرب إلنـــــا من بعض الفلسطينية نفسهم والله ..

آسفه عالحكي الي حكيته بصراحه فوق .. بس حبيت وضحلك

انه الي طلع وبيطلع من الفلسطينية الي برا بلادهم ..

مش حقد أو تبلّي .. بل هو ردة فعل ..

وانه نحن فعلا ما بننسى ابدا أي شخص من اي بلد . . عاملنـا بإحترام ..

والواحد فيكم .. الي مقدر قضيتنا ووضعنــــا بيسوى مليون من غيره من الأشخـاص ..

معك حق تزعلي .. بس ما معك حق أبدا

بعنوان الموضوع لامكان لي بينكم فأنا خليجية

بدليل الكلام الي انتي حكيتيه .. انه الي بيجمعنـا هو الإسلام ..

ونحن مسلمين متلك .. يعني هون مكانك الصح

ونحن يا أختي عانينا من العنصرية .. والتأفف من النـاس كتير ..

فمستحيل نعامل النـاس الي متلك بهيك معامله ..

نحن شعب الي بيعمل إلنـا خدمة صغيرة .. وبيحكي كلمة حق فيـنـا وبقضيتنا

العمر كله ما بننساها .. لأنه الكويسين بحقنـا قلائل ..

وعشـان هيك مستحيل ننسـاهم .. ولا نقلل من قيمتهم .. بالعكس ..

لذلك يا أختي بتمنى تتراجعي عن قرارك وعن كلامك الي بعنوان الموضوع كمـان ..

وإلا كوني أكيدة انك رح تكوني زعلتيـنا كتير ..

بتمنى تكوني اتفهمتي الوضع .. وفهمتي وجة نظر الأعضـاء

ولو اني بلومهم انهم جملوا الكل .. وما استثنوا أهل الحق من كل الشعوب

بدنـا نرجع نشوفك