[مؤيد]

المشاركة الأصلية كتبت بواسطة limar ما بعرف ازا ممكن تسمع رأيي اخ مؤيد

بعئد انو متل مافي معارضين لطريقتك واسلوبك في مؤيدين الها

وانتا عارف هالشي

بدليل انو اكتر من مرة صار في خلافات بينك وبين اعضاء واكتير من الاعضاء كانو يوقفو معك وبجانبك

بعدين المفروض انو ما تتدايئ ولا تزعل من هيك ردود لانو ايا حدا بيحكي باي طريقة كانت واي اسلوب ما بعبر الا عن حالو وعن تربايتو

واي حدا راح يشوف هيك رد ما راح يسدئ ويحكي عليك كون متاكد من هالشي

راح يحكي على الي كاتب الرد وعن طريقو واسلوبو الي ببين شو هوة

وبعدين انتا اصلا مو متطر انك تبين وتبررلهم سبب حذفك للمواضيع

الادارة لو ما كانت شايفتك مشرف مناسب وادها ما كانت سلمتك الاشراف

وانتا حر بلي بتشوفو خطأ انك تحذفو هادا من حئ المشرف

والادارة بتعرف هالشي وهية الي عاطية المشرف هادا الحئ

ما بعرف ازا بتتقبل رأيي انا يمكن ما يكون الي دخل

بس حبيت احكي الصراحة

وبتمنى انو تفكر بقرارك منيح

أكيد ممكن أسمع ....

أنا كتير بحترم الي بأيدوا افكاري وتصرفي بالمنتدى ، وعارف انهم اكتر من اللي بعارضوني ، بس صراحة بالنهاية انا مش جاي على المنتدى عشان اسم بدني بمشاكل ، بالعادة الواحد بيجي المنتدى ليتخلص من روتين اليوم ويرفه عن حالو شوية .....

بس لا انا بالعكس كنت بدل ما اجي اغير جو هون ، كانت ايام كتير تنقلب مشاكل وهموم فوق راسي ....

وكل ما احذف حرف واحد ، بتقوم القيامة علي في كل مكان .....

والصراحة صحيح انو في كتير اعضاء كانوا دائماً يمدحوني بالحكي ، بس وقت الجد ما كنت اشوفهم ، سوى قلة قليلة بس كانت توقف هي عارفة حالها وانا عارفهم منيح والهم بقلبي معزة بتسوى كتير ....

وكتير في ناس مستنيين استقالتي على احر من الجمر .... لإنو ببساطة رأيي ما بيعجبهم ...

وتسلمي اخت ليمار على المشاركة والرأي الطيب ...