المشاركة الأصلية كتبت بواسطة حنان16
يا خيي ما تخلينا نخادع انفسنا
المنتدى شي والشات شي تاني..
اليوم بنحكي بمواضيع ونتناقش ووو من اللي قلته
بكرة مكالمة صوتية في اطار النقاش!!
اللي بعده تبادل ارقام الجوال
ثم احبك..
والرد بكل ضعف وانا كمان..
ثم تواعد وربما لقاءات
والوقوع في الخطأ
وخلصت الحكاية باستياء
.
هيدا هو الواقع خيي
اما الكلام اللي حكيته فهو حلم جميل
بيتمناه كل انسان مثقف وواعي ..
بس للاسف بعيد المدى او بالاحرى مستحيل
ولا تحكيلي خيي انه في ناس مثل اللي هيك
والله لو في اللي هيك يبقى مو من الجنس البشري
اللي اعطاه ربنا عدة غرائز مثل الشهوة ...
واللي للاسف معظم الجنس البشري ما بيعرف يدبرها وده لخروجه عن الدين
فاكيد هو بس بيتخفى وراء زيه ذاك والنفس الله بيعلم اللي بيدور فيها
وكما قال جل وعلا في كتابه العزيز
(يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ (168) إِنَّمَا يَأْمُرُكُمْ بِالسُّوءِ وَالْفَحْشَاءِ وَأَنْ تَقُولُوا عَلَى اللَّهِ مَا لَا تَعْلَمُونَ (169). ) سورة البقرة
فربنا خيي ما بيلعب مشان ينزل اشي مو موجود بهالكون ..
واللي بتحكيه والله في نظري خيي ما في منه في الواقع
^_^
وشكرا على المرور
أخت حنان ..
" كل الطرق تؤدي الى روما "
وكل المنافذ في الانترنت نهايتها العلاقة على ارض الواقع في حالة الانجذاب من الطرفين.
كل المنافذ يعني ( منتدى ، ماسنجر ، شات ، بوابه الكترونية ، موقع زواج ، موقع صداقة ....)
مجرد ما تم القبول بين الطرفين والانجذاب .. الموضوع صار مسلك واحد بمشو فيه والنهاية وحده.
وبتنتهي العلاقة .. وبتبلش العيون تبحث عن شريك جديد.. وهكذا .. هادا هو الواقع اليوم.
الحب الالكتروني .. حب سريع .. وعلاقة اسرع .. ونهاية اسرع واسرع .. وبداية جديدة .. حلقة مفرغة.
تقبلي مروري ،،