[ღ حورية فلسطين ღ]

يا الله الأسئلة كتيرة تعبت انا

احكي لناا ذكرياااتكـ عندماا اصبحت مشرف للأووول يوووم وقبل أنت تكووون مشرف ؟؟؟

اول ما سلموني الإشراف كنت انا غايبة عن المنتدى

وما بعرف شي عنه

وبعد ما رجعت بتذكر اول ما فتحت ايميلي

اجت وردة الأقصى بتحكيلي الحان الحرية بتحكيلك انها صارت مشرفة

وكانت دوبها مسجلة بالمنتدى وردة

الا هية بتسألني

انتي ليش ما خلوكي مشرفة

حكيتلها ولك بخربلهم الدنيا اذا بحطوني مشرفة

ما فتحت المنتدى الا لقيت حالي مشرفة ههههههههههههههههههههههههههههه

فطسنا ضحك هداك اليوم انا ووردة

بس اصعب موقف صار اول ما استلمت الإشراف

ورحت حكيت ع احلى مايا عشانها كانت مشرفة معي

ولو تشوفو مناظرنا واحنا بنحكي كيف مرعوبين

كأنو هالإشراف وحش ههههههههههههههه

عن جد كنا خايفين كتير انا وياها

بس الحمد لله قدرنا نسيطر على خوفنا ونعمل شي للقسم

وبعد ما شفنا القسم هيك اتطور وصار نشيط انبسطنا كتير وندمنا لأنو خفنا هههههههههه

هل تغير الوضع بالنسبة لكـ ؟؟؟ وكيف ؟؟؟

اها اتغير الوضع كتير

قبل ما اكون مشرفة كنت فاضية وطول الوقت اشارك في المواضيع

مش شايلة هم شي ولا بفكر بشي غير مواضيعي

بس بعد ما صرت مشرفة صار كل تفكيري بقسمي

وشو بدي اعمل وشو بدي اسوي فيه عشان يصير احلى وانشط قسم

انشغلت فيه كتير لأنو قسم الترحيب والتعارف بدو شغل كتير

وكان ياخد من وقتي كتير وما زال

لأني بحبو كتير

غيرلي شغلة وحدة كنت اعملها

اني قبل ما اكون مشرفة كنت افوته مرة بالأسبوع ارحب بالكل عالسريع واطلع حتى كان في بعض الأعضاء ما ارحب فيهم

يعني ما كنت اهتم للقسم كتير

بس بعد ما صرت مشرفة عليه

اول شي بعمله بفوت عليه وبضل قاعدة فيه ما بطلع

حتى اني حاطة الرابط تبعه عندي يعني اول صفحة بتفتح صفحة القسم تبعي

صرت اعشقه للقسم

عن جد بحب كل شي فيه وحافظة كل شي فيه

المواضيع والصفحات والمشاركات

على قد ما بحبو والله

من مِن زملائكـ المشرفين ترى أنه راائع وتتعلم منه أو منهاا ؟؟؟

هلون & القلب الطيب & نسمة بلاديانين & ليمار & اسراء الفلسطينية

كلمة توووجهااا للأعضااء في قسمكـ ؟؟؟

بتمنى تضلو منورين القسم بمشاركاتكم وتميزكم فيه

القسم ما بكون نشيط وحلو الا بوجودكم فيه

والله بنبسط كتير لما اشوف الأعضاء اللي بحبهم موجودين بالقسم

ما بتتصورو اديش بكون مبسوطة لما الاقي زحمة بقسمي

وبنبسط اكتر لما اشوف اعضاء اللي بهمني تواجدهم بالقسم يكونو موجودين ومنورين القسم

بنبسط لما اشوف اي موضوع بالقسم ادخل الفرح لقلب اي عضو

بنبسط لما اشوف اعضاء جدد استمرو معنا وحافظاهم كلهم والله

وبزعل لما اشوف عضو نزل موضوع ترحيب وفص ملح وداب

خليكم دايما متواجدين بقسمي وفرحوني الله يسعدكم

وجه كلمة لعضوو معين ؟؟؟ ومن هو هذاا العضووو ؟؟؟

احلى مايا

بشكرك كتير على وقفتك معي لما كنتي ماسكة الإشراف معي

من غيرك انا ما كنت رح اعمل شي

عملتي كتير للقسم

وتعبتي كتير عليه زي ما انا تعبت

كنت مساعدة رائعة الي

والقسم مفتقدك كتير

انتي بنوتة عسل ومافي منك

واشتئتلك كتير

في الختااام هل تووود ان تضيف شيئاً ؟؟؟

نشف ريئي جيبولي كاسة مي

في الختام بشكر كل من اهتم بقسمي

بشكر احلى مايا لأنو الها بصمة كبيرة بقسم الترحيب والتعارف وملتقى الأحبة

بشكر حبيبة قلبي شئت التوم تبعتي وردة الأقصى لأنها هية كمان عم تعطي كتير للقسم

وبكفي وجودها فيه منوره وعامله جو غير شكل

بشكر الأعضاء الجدد على اهتمامهم فيي

بشكر حبيبة قلبي فلسطينية والراس مرفوع

وشكر خاص جدا لكل من رشحني للإشراف واتأملو فيي خير

وبتمنى ما اكون خيبت املكم

بشكر الإدارة المصونة من غيرهم احنا ما بنسوى شي

بشكر جميع الأعضاء المميزين بقسمي على تميزهم وتواجدهم واهتمامهم الدائم بالقسم

ان شا الله اخلص طئ حنك اليوم

وبتمنى ما حدا يزعل مني

هاد اذا زعلت حدا او حدا انزعج مني سواء حذفتله مشاركة او موضوع بالقسم

سامحوني وما حدا يشيل بقلبه علي

دنا غلبااااااااااااااانة



سي يوووووو



انا البندورة الحمراا مزروعة بين الخضرا

(داخلة عرض معلش )

اي صح

بدي اختار بعدي

بفكر وبردلكم بعد ما اشوف التعليقات على كلامي

واللي بقلبو حاجة ما يخبيهاش

ما بردكم الا لسانكم هيني حكيتلكم