[حنان16]

طيب خيي ممكن تطول بالك معي شوية

لانك ما فهمت كلامي منيح الظاهر

المهم ما علينا

أخت حنان ،،

يا نعم

لو تسمحيلي اعلق شوي على كلامك ،،

اكيد خيي اتفضل

هلأ التخلف مش بالشات او بالماسنجر او بالمنتديات هالامور ممكن

انتي تستخدميها متل ما بدك .. في الامور الصح او الغلط حسب نواياكي ..

لكن في اشيا اخي اغلاطنا فيها بتحكم علينا بالتخلف.. او غيره

والشات احد هالاشيا احيانا لانه لما الواحد من الصبح للفجر كل اللي بيستعمله عالنت الشات وبس

وياريت لو في الافادة ، يبقى هيدا تخلف بالنسبة الي بل وجهل كذلك..

اللي بدو يعمل شي غلط سواء بنت او شب راح يعملها بوجود الشات او بدونه ..

واللي بدو يتعرف ويحب ويطلع وينزل راح يسوي هيك بوجود الشات او بعدمه ..

اكيد خيي وكل واحد حر في تصرفه بس كمان كل واحد حر في اراءه ومبادئه و اكيد لو ما كان موضوع الشات مهم ما كنت احط موضوع للنقاش بالبند العريض ..

والمحرمات والشغلات الغلط موجودة من زماااااااااااااان .. ومش ناطرة الشات

ليوجدها في المجتمع ..

بس هيدا ما يعني ان المحرمات والشغلات الغلط مثل ما بتحكي تشكل اخطبوط يحاول يشلنا واحنا واقفين نتفرج مشان هيك بنحاول هلا نوقفها ومو مهم من شو ابتدينا المهم شو عملنا وشو بنعمل وشو راح نعمل خيي ..


اي وسيلة حديثة ممكن نستخدمها في الجهتين .. الصح والغلط ..

اكيد خيي ومو اي وسيلة وبس،، لكن الحياة كلها اختبارات وطرق متعرجة واخرى مستقيمة ..

اوكيه انا مشيت معك وسكرنا الشات وبطل في شات .. ممكن الصبية تفوت اي مكان في النت

منتدى ، ملتقى ، اي تحمع وتاخد ايميل شب وتتعرف عليه . يعني المشكلة مش بالشات

فيه الف طريقة تانية للحرام .. والحرام ما في اسهل منو .. وفي كل مكان .

يا خيي اكيد في طرق كثير للحرام بس الموضوع هون هو اللي بيفرض عن شو نحكي ،، اما لو عممنا مثل ما حكيت فبكرر انه هيدا ما يعني ان احنا مع هالوضع نقف مكتوفي الايدي لا لازم نتحرك ومو مهم ابتدينا من شو المهم نعمل اشي..


الصح انك تعالجي الشي من جذوره .. لو الانسان اخلاقة عالية ومحترم راح يضل محترم

حتى لو فات ع الشات او الماسنجر او اي مكان تاني في النت .. النضيف نضيف والعاطل عاطل .

ما باختلف معك في هالنقطة خيي وسبق واشرت لهيك شي

تقبلي مروري ،،


اكيد خيي تنور ^_^