[السيف عدي]

موضوع حلو كتير .. تسلمي اخت نور اليقين على الافكار الروعة ..

بدي افتح معك كتاب الذكريات .. وما اكترها .. بدي ابلش باروع يوم في عمري ..

حفلة التخرج من الجامعة .. كان من اجمل ايام حياتي اللي انبسطت فيها كتير..

((حفلة التخرج من الجامعة ))

كان في فندق الشيراتون الدوحة .. في 15/06/2004 .. الساعة 6 المغرب ..

هداك اليوم ..كنت اخد اجازة من الشغل ..

الساعة 8 الصبح رحنا الفندق هوناك كان فيه بروفه لحفل التخرج .. القاعة كانت بتجنن ..

قاعة المؤتمرات كتير كبيرة وفخمة ..لقيت هناك الشباب والصبايا كلهم من تخصص ادارة الاعمال

والكمبيوتر اللي هو تخصصي .. عملنا البروفة واستلمنا زي التخرج وهو : روب أسود وطقية سودا

ووشاح عنابي عليه شعار دولة قطر..

بعدين .. رحت مع صاحبي تغدينا . ورحنا شيشة المنتزة .. وكنت في قمة الفرحة والترقب ..

الساعة 5 العصر رحت الفندق وطبعا اهلي كانو موجودين .. فتت القاعة .. الشباب والصبايا كلهم

كانو موجودين .. الحفلة كانت روعة .. ولحظة ما قالوا اسمي .. وطلعت لفوق استلم الشهادة والهدية

كانت ولا اروع .. ومن لحظات عمري اللي ما راح انساها .. كنت بدي اطير من الفرحة ..

احساس لا يوصف عنجد .. كتيررررر انبسطت .. واخدت هدية التخرج .. وبعد ما قلنا القسُم

قالولنا نرمي الطواقي لفوق .. ورميناها وكان منظر بجنن ومميز في نهاية الحفلة ..

عنجد حلو لما تحس انو نهاية التعب والدراسة والسهر والامتحانات والمحاضرات ..حفلة متل هادي ..


تقبلي مروري .. ومساهمتي في موضوعك الروعة .. وللذكريات بقية ،،،