[عاشق البندقية]

السلام عليكم ^^

طيب يلا انا اجيت ،، و معي أسئلة مشكلة ^^

..

1. شو رأيك بمنتديات شباب فلسطين ؟

2. بما انو الك زمان بالمنتدى ،، شو هيي سلبيات و ايجابيات المنتدى ؟

3. شو بيعنولك أعضاء المنتدى بالنسبة الك ؟

4. شو هيي أكلتك المفضلة ؟

5. أطيب عصير عندك ؟

6. سافرت قبل هيك ،، و اذا اه لوين ؟ ^^

7. شو هيي البلاد يلي نفسك تزروها ؟

8. شو هوي حلم حياتك ؟

..

و بس .. ان شاء الله ما اكون تقلت عليك ^^

اسراء هون ,, لا لا مش معقول P:
ههههههههه منوره كالعاده اختي اسراء

1. شو رأيك بمنتديات شباب فلسطين ؟

شوووووو لا لا هاي البنت انضربت عراسها انا متأكد

هاد مش سؤال اختي اسراء لانو المنتدى عندي زي المي

والله ما بعرف اقعد ع الكمبيوتر الا افوت علية

بحبو المنتدى انا والله :(


2. بما انو الك زمان بالمنتدى ،، شو هيي سلبيات و ايجابيات المنتدى ؟

بصراحة قديش لفيت عمنتديات ,, والله ما لقيت اجمل منو ,, واحلآ من اأعضائه ^^

الايجابيات انو الكل هون محترمين وأوادم "يعني ولاد حلال بالعامي" ما فيو مياعة وقلة حيا

المشرفين دايما بالمكان والزمان الصح ,,

أما السلبيات ....
مش شايف اي سلبيات بس الشغلة الوحيدة اللي بفكر فيها
انهم البنات مسيطرين ع الوضع هون ههههههه

3. شو بيعنولك أعضاء المنتدى بالنسبة الك ؟

مممم اخوتي وحبايبي وصحابي

4. شو هيي أكلتك المفضلة ؟
المنسف
لما اكلها بعمل مجزرة


5. أطيب عصير عندك ؟
بحب "فيروز" بطعم الأناناس

6. سافرت قبل هيك ،، و اذا اه لوين ؟ ^^
للأسف لا ,, ابعد منطقة وصلتها لما رحت لأريحا عشان نزور ابن عمتي بالسجن :)


7. شو هيي البلاد يلي نفسك تزروها ؟
نفسي يا ثوثو اشوف ايطاليا ,, واسبانيا ,, وفرنسا

بس أكتر شي ايطاليا


8. شو هوي حلم حياتك ؟

ااااااه هاد السؤال بدو تفكير ,,,

شوفي يا ست اسراء أول شغلة ,,ما بدي احكيها :)
بيني وبين رب العالمين .

التانية: اني اتعلم ع الجيتار والكمان .

التالته: ويمكن غريبة شوي ,, اني اشوف جبريل عليه السلام .

في كتير كمان بس هدول اللي بأول القائمة عندي