المشاركة الأصلية كتبت بواسطة التحدي الغامض
والله يا أخ عدي ,... شكلك مش قارئ لا تاريخ ولا جغرافيا .. مع احترامي الك.. انتي بتحكي حكي مش فاهمه .. مين حكالك انه حماس ما اعترفت باسرائيل .. و مين حكالك انه مشروع فتح انهزامي استسلامي .. في اشي اسمه سياسه يا اخ عدي .. لما ياسر عرفات الله يرحمه كان يودي الاستشهادي يفجر حاله و ثاني يوم يدين العمليه . بكون انهزامي ولا سياسي محنك ؟؟؟
بس والله شكلك يا خوي يا عدي من قطر بس بتحضر اخبار و مش كلها كمان اللي بدك يا بس.. مشان هيك مقتنع باشي بنظري مش صح .. و مشان هيك بتحكي حكي يا ريتك ما حكيته لان لو بدل بس بدل انك مش فاهم او مش شايف شو بصير ... يا اخ عدي بس تعال يومين عالضفه .. او روح على غزه و شوف عيشة الناس و بعدين احكي الحكي اللي بتحكي .. و مش حضرتك يا اخوي يا عدي اللي بتقرر انه فتح مشروعها انهزامي ولا لأ .. لان فتح حركه تاريخيه و معروف عنها شو هي و معروف شو مشروعها و معروف شو ثوابتها الوطنية .. لهيك انا برجع بأكدلك إنك مش قارئ تاريخ .. ارجع شوي للتاريخ .. اقرأ برنامج حماس النقابي والسياسي و الاجتماعي بحملتها في التشريعي و شوف عل أرض الواقع شو اتطبق منه بعدين احكي الحكي اللي بتحكي ... عموما مش موضوعنا .. انا للأسف اضطريت ارد هيك على حكيك .. بس الظاهر انه عنجد فش عندك معلومات كافيه ..عموا اقرأ و اسمع و تأكد من معلوماتك و بالآخر بتصفي قناعه ..يعني اللي حماس عن قناعه كل االحترام اله ..بس اللي حماس عن ولا اشي انه بس هيك و بدون معلومات و لا بعرف اشي موضوعه غير بكون .. وبرجع بحكيلك شكلك لأنك مش هون بتحكي هاد الحكي تعال و جرب .. و والله انا بحب اسمع الرأي الآخر و أناقش في بشرط يكون ارأي عن معلومات و عن حقائق مش عن هيك ولا اشي .. بس سمع خبر و قرر و حكم على فتح انه مشروعها انهزامي ..
فتح صانعة الرجال و الكتائب أكبر مثال
أما بالنسبة لحماس فيها ناس شرفاء و مناح و فيها العكس و فتح نفس الاشي .. مشان هيك ماحا بزاود على حد ..و الانتقاد لما يكو بناء الكل بتقبلوا اما لما يكون بدون خلفيه مسبقه عن الموضوع ما أظن حدا بقبله ..
و سامحوني ... للي بعدي نفسه
أختي بلو .. بالنسبة لسؤالك .. انا ضد الغباء واللي بعدي نفسو ..
بس بدي اعلق على كلام الاخ التحدي الغامض .. بعد امركم .. تحياتي ..
أخي التحدي الغامض .. كيفك .. شكرا على الرد وانا بحترم كلامك ..
بس انا قرأت تاريخ الحمد لله وجغرافيا واللي بدك اياه .. وبعرف تاريخ فتح
وبعرف انو هي منظمة التحرير الفلسطينية .. اللي قامت من البداية على مبدأ تحرير الوطن
.. وبعرف مواقف الشهيد ياسر عرفات وبعرف انو لئلها اذرع مسلحة لحركة فتح
واجهت العدو مرات ومرات في الانتفاضة .. بس يا عزيزي انا بحكي على الوضع الراهن اليوم ..
اليوم يعني يونيو 2008 ما بحكي عن يونيو 1988 .. لازم نوضح الكلام ..
الوضع الحالي اليوم .. انو فتح بدها تتحاور مع اسرائيل .. وبدها تعمل سلام
على اساس دولتين .. يعني احنا نقبل بالضفة وغزة ورام الله ..
ونبيع ال 48 والقدس وغيرها لليهود وهادا حل توافقي وسلمي للبعض ..
ويمكن حل بجنن لئلكم ..بس لئلي مرفوض .. انا ما بغلط على فتح انتو احرار
في معتقداتكم بس انا حر في معتقداتي .. انتو شايفين
انو هالحل راح يوصل لدولة فلسطينية ذات
سيادة وانا بشوف انو هالحل ما راح يوصل لشي ..
لانو اللي تاخد بالقوة ما راح يرجع الا بالقوة ..
انا مش مع حماس لعيون حماس .. ولا مغرم فيها ..
ولا انا اصلا مش حمساوي .. وضد التحزب ..
انا مع اي مشروع وطني لتحرير فلسطين
ومستعدين ندعم هالمشروع وطنيا وماليا .. وجهاديا
بس لنوصل لدولة فلسطينية حرة عنجد مش بس
كلام وانهزام ... وانا مش ضد فتح بس هيك تناحة ..
لاني مش مقتنع بمشروع فتح في السلام
والتفاوض ..بس انا مع الوحدة الوطنية لانها اول خطوة
للتحرير .. احنا بنحتاج فتح وحماس .. وكل القيادات الوطنية
واتمنى في الايام الجاي يعلموا حكومة وحدة وطنية .. ويبطلوا خناقات وقتال وتضبع وقت ..
عموما حبيت اوضحلك وجهة نظري
وبنضل اخوان .. تسلملي