[*ريحانة القلب*]

المحطه الاولى ...
اوصف طفولتك بجملة واحدة ؟

أحلــى أيام .. دلال وفرح .. ولامسؤولية .. عنجد احلى اشي بحياتي

المحطة الثانية...
ما هو اجمل موقف او اجمل ذكرى تتذكرها من طفولتك ؟

لما اخدتني اختي معها ع الجامعة .. والكل صار يلاعبني وكتير كنت مبسوطة

والاشياء الزاكية نزلت عليّ .. واطلعت مع اختي وصحباتها بعد الجامعة .. كانت لحظات حلوة ..

كتيييير ادللت :)

المحطة الثالثة...
ما هو أصعب أو أحزن موقف مر عليك في طفولتك ؟

لما ماتت تيتا .. شفتها وهي بالتابوت .. كتير اتأثرت وما بنسى لهلأ صرخت خالتي

لما طلعو ستي ع السيارة .. صارت تصرخ ( لا تبعدوها عني ) .. كتير لحظات مؤلمة

المحطة الرابعة...
ما هي أجمل هدية تلقيتها في طفولتك ولم تنساها لليوم ؟

دفتر زكرى .. كتير بحبو لأنو كان هدية محافظتي ع الصلاة من اختي الكبيرة

المحطة الخامسة...
هل هناك انسان معين كرهته في طفولتك .. ولماذا ؟

آه في ,, لأنو كان يأزي امي وابوي كتير .. تخيلي انك تشوفي امك بتبكي من انسان ما

اكيد رح تكرهيه وتحقدي عليه كمان ..!

المحطة السادسة...
كلنا انضربـنا اكيد... ولكن ما هي اصعب مرة انضربت فيها ولا زالت محفورة في ذاكرتك وسبب الضـرب وش كان؟

الحمدلله .. اهلي عمرهم ما مدو ايدهم عليّ وانا واعية .. يعني اكيد انضربت وانا بسن مو واعية فيه

بقصد عمر السنتين والتلاتة .. !

المحطة السابعة...
هل كنت غيور بطفولتك من اخوانك وتحس فيه تمييز بينك وبينهم ؟

لأ .. لأنهم اكبر مني .. بالعكس هم الي كانو يدللوني .

المحطة الثـامنـه ...
ما هي اكثر وافضل لعبة كنت تلعبها و أنت صغير ؟

بيت بيوت

المحطة التاسعة...
هل ستربي اولادك بنفس الطريقة التي تربيت بها في طفولتك؟

طبعــاً ,, لأنو مشوني ع الطريق الصح ..بالرغم من انتشار الفساد .. بالرغم من انو

مو بس الاهل بربو .. والشارع والمدرسة والاصدقاء .. كل شي بربي معك ..

الا انو كان تأثير اهلي عليّ اكبر تأثير .. الحمدلله ..






يسلمو بلو ع الموضوع

كتييييير حلو عجبني



يعطيك العافية