المشاركة الأصلية كتبت بواسطة limar
اممممممم انا الصراحة كنت كتير مبسوطة يومها
لاني خلصت من المدرسة
ما بعرف ليش اخر مدرسة تخرجت منها ما حبيتها ابدا
عملتلي مشاكل كتير وما تاقلمت معها ابدا
مع اني بئيت فيها 3 سنين وتعرفت على صاحبات لهلاء بحكي معهن
اصلا احلى شي كان فيها صحبتي مع بعض البنات هناك والي استمرت لهلاء
بالنسبة لاحلى موقف صار معي هناك
بتزكر كنت باول ثانوي علمي وكان في عنا مدرسة فيزياء كانت تتميز بشعرها دايما منكوش
حرام الله يسهل عليها
المهم منزرها كان بضحك كتير
وكان الي صديقة باول ثانوي ادبي
كنا صحبة كتير
دايما بالفرصة بتيجي لعندي على الصف ومنفطر مع بعض
وكانت شاطرة كتير بالرسم
بترسم كل شي
بترسم طبيعة وناس وكانت ترسمنا كمان
المهم ئعدت تحكيلي على مدرستي الفيزيا وكيف شكلها وبتضحك ومن هالحكي
وئامت على اللوح ومسكت الطبشور وبلشت ترسم فيها
وانا واكمن بنت ئاعدين منضحك
بس الي كان غايب عن بالنا انو عنا حصة فيزيا بعد الفرصة عطول
المهم فاتو البنات وشافو الرسم وضحكو كتير
كان رسم كاريكاتير لمدرسة الفيزيا
واحنا ملتهيين كنا منتفرج
خلصت البنت رسم وراحت على صفها وبعد وي بتفوت مدرسة الفيزيا على الصف
وشافت الرسم
واحنا ولا كلمة
طلعت من الصف وما حكت ايا شي
انا ركدت على اللوم وامسح امسح بالرسم ورجعت مكاني عطول
بعد شوي بتجي مديرة المدرسة
وبتطلع بتلائي اللوح فاضي
وصارت تبهدل ومين مسح اللوح ومين الي رسم
وطبعا التكاتف الاسري خلى البنات يسكتو وما حدا فيهم اعترف علينا او اشتكى
ومرت على خير بس المدرسة ضلت حاقدة علينا طول السنة
كانو البنات يعملو فيها مئالب كتير
ياكلو ليمون وقضامة وفستق وبزر ويرمو بالصف وقت حصتها
وهية المسكينة كانت على نياتها كتير
هادا الي تزكرت من مئالب المدرسة
وشكرا على الموضوع حلو كتير
ههههههههههههههههههههههههههههههههههه هههه ييييييييييييييييي حراام عليكم ..!!
ياحرام هيا ضلتها صابةر معكم طول السنة .. لو أبلة بدالها كانت من زمان طفشت .. هعع
يسلموااا كتير ليمار عالمرور الحلووو .. والله يلي كل ايامك حلوة ..
.gif "المشاركة الأصلية كتبت بواسطة limar اممممممم انا الصراحة كنت")