المشاركة الأصلية كتبت بواسطة مؤيد
أهلا ً يا أختي أحلى ابتسامة فلسطينية ....
عفواً بس انا ما بحب حدا يجاوب عني ....
لو تكرمتِ انا ما بحب هيك .....
ممكن تحترميني ؟ ازا ما بدك هاي حريتك برضو ....
أنا رح جاوبك ولا يهمك ، بأسلوب راقي ومحترم مع انو كلامك كتير ما بيسعد حدا غيرك ....
هههههههههههههههههههه
شو عرفك انو ما بيسعد حدا غيرى
انا محترماك مؤيد مين قلك انو مش محترماك
خلاص ما تعصب مش هجاوب عنك تانى كلو ولا زعلك
شايف انا ما اشطرنى
هههههههههههههههههههه
يا ريت تغيري أسلوبك معي ومع حماس ، لإنو نحنا مش أعدائك ولا محتلين أرضك ، بل قادتنا قدموا أرواحهم ليدافعو عني وعنك وعن كل الشعب ..... والا عشان شو هم عاشو واستشهدوا ؟ عشان مين يعني ؟ ...
انا مش شايفة اسلوبى جارح ابدا بالعكس بحكى الاشى الى بشوفوه
وما حدا بينكر تضحيات حماس
حماس حركة كنت خد بالك كنت احبها ومن مؤيدنها
يا عيني عليكِ ما أشطرك .... ^.^
لا مش هيك رأيي ....
رجاء بتمنى ما تحكي باسمي ، لإنو كل الي بتحكيه انا بعمري ما حكيته ....
نحنا مش قاعدين بنلعب ...
بعرف انى شاطرة
طيب خلاص قلت الك مش حكى باسمك تانى
لو سمحتي يعني احترميني متل ما بحترمك ...
محترماك والله
بالنسبة للصراع بين حماس وفتح ، سبق وجاوبت في مشاركتي السابقة على الاخت مو أي شي .... بإمكانك تشوفي ...
بس بعيد بشكل مختصر ، فتح اخوتنا في الدين والإسلام ، لا نكفر أحداً فيهم ، والاتهامات ضد حماس بتكفير فتح هي تفاهات لا أساس ولا دليل لها ، ومن لديه دليل فليتفضل ... ها هم قادة حماس أمامكم كل يوم على الفضائيات وعلى الإنترنت والإذاعات ، تسمعونهم كل يوم ، بالله عليكم متى سمعتم احداً منهم كهنية او مشعل يفكر فتح ؟ ... كفاكم اتهامات وكلام لا فائدة منه ولا جدوى سو مضيعة الوقت ....
واذا سمعنا أحداً سيكفر فتح ، فسأكون أنا أول انسان ضده .... ولن أسمح له بذلك .....
فتح ليسوا بمرتدين ، هذا كلامك انتي ليس كلامي ^.^ ...
[CENTER]طيب انا ما بجيب كلام من عندى لانو ما الى مصلحة اجيب كلام من عندى
وبالنسبة للتكفير انا بقولك لا كفرت انا ما باخد كتير بكلام الاعلام والكزب
بيطلعوا على التلفزيون بعملوا حالهم الملاك الطاهر
انا باخد من الى بشوفوا على ارض الواقع
شو رايك انو واحد قريبى بيصلى كل صلاة بصلاتها فى الجامع وكانوا كاتبين عنو منشور
المدعو الكافر المرتد بالحرف الواحد وقسما بالله هالحكى صار ويجعلنى يا رب اموت ازا بكزب
وبعدين كلمة المرتدين من وين بدى اجيبها من عقلى
وكلمة المرتدين قالها الى عاشق الحور بموضوع انحذف اللى وحكاها عن فتح بلحرف الواحد
روح شوف مواقع تابعة لحماس شو بتكتب
يا شيخ والله قرفنا كفاية كزب ونفاق وافتراء وادعاء المثالية
[/CENTER]
حماس هي حركة إسلامية ، وهي ابنة الإخوان المسلمين .....
بتمنى هيييك
السياسية ليست حقيرة الا اذا كان من يمارسها حقير .....
السياسة هي جزء من الإسلام ومن العقيدة ، ومارس السياسة رسولنا عليه الصلاة والسلام ومن بعده الخلفاء الراشدون والخلفاء والصحابة جميعهم ....
السياسة تكون حقيرة وصاحبها حقير اذا اصبح يستخدم السياسة ليخدم مصالح أعداء شعبه ، ليعترف بالعدو ويحاوره ويقبل قادته ويستحقر المقاومة ولا يأبه لأمر شعبه ودمائه النازفة ....
أما السياسة اذا كان صاحبها شريفاً يحارب به اعداءه و يقف مع شعبه ويتعاني ما يعانون ولا يسكن القصور بل يسكن بينهم في المخيمات ويدافع عن المقاومة ، فهذه سياسة محمودة وسياسة اسلامية بامتياز ...
اوك وانتو شايفيين السياسية الى اتبعتها حماس صحيحة
اسمعى خدنى على قد عقلى
هلقيت افرض واحد من فتح زى ما بتقولوا مرتد ومنافق وعميل والخ اخر يا سيدى خليه قتال قتلة
هل يجوزز اتباع سياسة اسرائيل فى تهديهم المنازل وتروحوا على بيتوا وتهدموه وتشردوا النساء والاطفال
باى دين هادا ؟؟
الدين الاسلامى الى حملاه حماس ما بقول هيك
وما تقول الى حماس ما عملت هيك بلاش اقوم واكسر الجهاز كلوا
شو زنب الصغير لما يقول حماس ليش هدمت دارنا
ما بتحسوا حالكم زرعتوا الكراهية حتى عند الاطفال
يا عمى انا خريجة علم نفس كان عندى مشروع وروحت على بيوت اتهدمت بايدين حماس
واطفال هادى البيوت عندهم كراهية باشى اسمو حماس
شغلة تانية شو زنب الطفل الى بيشوف ابوه قدوة قدامو انو يجى حدا مسلح ويطخوا ابوه قدامو
وينكل فيه حتى لو كان الاب قتال قتلة وين الرحمة
مع انى على قناعة انو ناس كتير بريئة راحت بالرجليين
عندى امثلة كتيير بس مش قادرة اسردها كلها الى رجعة كمان مرة ههههههههههههه
سؤالك ما الو جواب .....
لإنو أساساً كلامك مش مبني على شي موجود فعلياً ..
حماس ما بتقسم الناس مسلم ومرتد ، ولا هادا مش نهج الإخوان المسلمين ....
وما بدي ضيع وقتي بكلام مو صحيح وباتهامات ما الها اساس ... سوري يعني بتأسف وقتي مش كتير طويل ...
مليش دعوة وقتك طويل قصير براحتك
بس انا ما باخد بكلام اعلام ونفاق انا باخد باشى بشوفو قدام عينى ومش هعيد وازيد كتير
وازا انتو شايفيين حالكم ملائكة الاحسن ادورا على الناس الى مش منيحة من حماس وبتعمل هادى الاعمال
يعنى خير الكم بدال ما تقعدوا تقولوا بدنا انظف البلد من المرتدين والعملاء
ابداو بحالكم ونظفوا حركتم من شوية زعران ما عندهم رحمة
عشان ترجع حركة حماس المثالية المكافحة الى انت بتحكى عنها بس انا مش شيفاها بارض الواقع
بسمع كلامكم بصدقكم بشوف اموركم بستعجب
وتفضلي هون شوفي رأي الدين - هذا داعية اسلامي مصري ، لا هو حماس ولا فتح ( حفظ باسم بالزر اليمين ) :
http://rooosana.ps/Down.php?d=euLK
للاسف السماعة ما عندى سماعة عطلانة بس اسمعوا
برد عليك
الداعية المصرى هادا هيحكم على
الامور زى ما الى فى البلد والى عاشوا الوضع هيحكموا عليه
ما عندي مشكلة ترجعي ....
حاضر
أهلا ً وسهلا فيكي ...
بس بتمنى اشوف اسلوب غير الي شفته منك قبل شوية ....
وبتمنى نحترم بعض نحنا ابناء دين وعقيدة وبلد ...
شكراً على أية حال ..
مفش فايدة مستحيل تقتنعوا انكم بتغلطوا انتوا ملائكة
مش معنى انى اكون حماس اكون معها بالصح والغلط
احكى الحق بكرا كل كلمة محاسبيين عليها يوم القيامة
بااااااااااى