[حنين الروح]

بسم الله الرحمن الرحيم..
بتعرفوا يا جماعة اني كان نفسي أثير هالموضوع من زمان،لأني لاحظت الجهل الهائل اللي بينا عن حقيقة الوضع،و انا نفسي كنت هيك قبل سنة..
بس الله يجزيه الخير الأخ أحمد اللي طرح الموضوع بوقتو المناسب،في ظل الأحداث المؤسفة الراهنة...
اسمحولي أقدم كم ملاحظة عالموضوع:
أولاً: لبنان بلد عربي ،نص مسلم، و بلد الجمال اللي بنحب نشوفها دايما آمنة و مستقرة،
و ما بنصير نقول انو ما بهمونا و فخار يكسر بعضو،حتى لو كانت هاي البلد هي اللي بتضطهد أبناء شعبنا في كل أشكال حياتهم،إحنا إخوة،ما بنشمت ببعض ،و لا بنتمنى الشر لبعض،لأنو الدور أكيد رح ييجي علينا بعدين
،و دايما أول الضحايا بكونو سكان المخيمات الفلسطينية.
ثانياً: إذا كان البعض بتحججو بالوثائق،و المصادر،شو رأيكم تسمعو شهادات حية من إخوانكم الفلسطيينية و كل السنة اللي اجو من العراق،حوادث قتل و تنكيل و سرقة و تعذيب ،من فصيل حزب الله نفسو بالعراق،اسألو ليش بنقتل كل واحد اسمو عمر ،أو عائشة،ليش حزب الله و إخوانهم الإيرانييين بسمو يوم احتلال العراق الحزين ب"يوم الفتح الكبير"،هاي الوقائع اليومية اللي بنسمعها من أهلنا و ناس واثقين فيهم ما بتحتاج وثيقة ،مع انو الوثائق موجودة و صحيحة.

ثالثاً: إذا كان فعلاً حزب الله هو "رمز المقاومة للاحتلال الصهيوني" ،ليش ما عمرنا سمعنا عن عمليات ضد الاحتلال عالحدود ،طووول هالسنين، أو حتى تصدي لطائرات الاحتلال اللي بتغزو سما لبنان كل كم شهر بدون ما تلقى أي مقاومة!،حرب تموز 2006 كانت بس مسرحية أرادت بها إيران إثبات قوتها أمام أمريكا ،عشان تاخد نصيب اكتر من بلادنا في المفاوضات السرية اللي بينهم،و الأحداث الحالية المؤسفة كانت رسالة موجهة لأمريكا_عبر حلفائها في لبنان_،أنو :"شوفو كيف بإشارة وحدة ، بنقدر نسيطر على أي بلد،و ندمرها، حتى لو انتو ما عطيتونا نصيبنا،بناخدو من أعداءنا السنة بكل بساطة".

رابعاً: شتان شتان بين المقاومة الأبية الفلسطينية_ و على رأسها حماس_ ،اللي هدفها الوحيد الجهاد في سبيل الله ،دفاعاً عن الدين و الأرض،و بين فصيل مزروع بنص العالم العربي،يحقق أهداف المشروع الفارسي، اللي بخططولو من عشرات السنين،لاسترجاع مجد الدولة الفارسية ،الي اسقطها الإسلام، اقرؤوا سيرة من أسميه "حسن نصر"(لأنه لايستحق أن يسمى نصر الله)، من مواقعهم نفسها(عشان ما تقولو مصادر معادية):عشان تعرفو انو بال1982(سنة مذابح المخيمات) كان رئيس القوة التنفيذية لحركة أمل، اللي أكيد كلكم بتعرفو انها دخلت مع الصهاينة عالمخيمات،و تفوقت عليهم بالدبح.

خامساً: ما تسمحو_يا أهل عقيدة الحق_،لليأس انو يزينلكم الباطل، و انو يخليكم تصدقو أعداء الله ،و يعلقكم بآمال كاذبة ،بأخطر ناس على عقيدتنا و حياتنا(حتى أكتر من الصهاينة و حلفاؤهم،لأنهم اسمهم منا و فينا)، و بتمنى أنو في يوم من الأيام نتحول إلى أمة تقرأ، عشان نفهم اللي بصير حوالينا.

و أخيرًً....كل الشكر و التقدير مرة تانية أخي ahmadix ،على اختيارك الدقيق لمواضيعك،و على ثقافتك العالية ،و حوارك البناء مع الكل..

تحياتي...