[ashrafo]

مضوووع حلو كتيييييييييير وجميل .. وحقيقي فعلا هاد الشي وموجود لكن على حسب ايمان الانسان

بواقع الامر ..!!

انا بإعتقادي انو الشخص المتوفي لم ينقطع عن العالم اللي كان موجود فيه ، وخصووووصا اذا كان ها

المتوفي عندوا اشغال وعندو مهمات ومسؤوليات كانت في الدنيا وما قدر يكملها ويوصلها الى اكمل وجه

بسبب الموت اللي اخذ منه كل مسؤولية و خطفه الى عالم برزخي لا رجعة فيه ..!!

سماع اصوات الاموات حقيقة والشعور بوجودهم اكثر من حقيقة ..!!

بالنسبة إلي انا عندي صديق عزيز جدا جدا ما بحكي الاالله يرحمك ياارب ..!!

توفي من سنتين بحادث تصادم في البحر .. وكل حياتي مع هذا الشخص .. طبعا بعد الصدمة العصبية

والنفسية لما سمعت بخبر وفاته صرت انسااان فعلا ميت لفترة معينة تقريبا سنة ..!!

بهاي الفترة كنت اطلع طبعا لحاالي مستحيل اي شخص يطلع معي كانت نفسيتي عدم عالآآخر وكنت

اسافر لحالي ولأول مرة في عمري بسافر لحالي دايما معي اكثر من شخص ..!!

مرة من المرات المخيفة والرعب سافرت اضطرااري من الرياض لجدة بسياارتي .. وهذا صديقي المتوفي

دايما معي بكل سفرة بطلعها مستحيل شي يوم سافرت من غيرو ..!! ودايما بيحكيلي بالله عليك يا اشرف

لاتسرع سرعة جنونية كتيير بخاف من السرعة ..!!

انا سافرت لحالي هالمرة قبل 7 شهور وطبعا مشغل اغاني بالسياارة والصوت شوي مرتفع .. فجأة بسمع

همس بالسياارة شي حدا عم بيحكي ..!!

طبعا خففت من السرعة وصوت المسجل اوتوماتيك مع السرعة ازا هديت السرعة هدي الصوت وازا زادت

السرعة زاد الصوت ..!! انا فكرت شي بالمسجل غيرت السي دي يمكن نظام السيستم فصل صالوا

شي ..! وكل شي تمام لهلا

بعد شي 10 دقااايق هالمرة تأكدت في حدا عم بيهمس اسمي من قريب ..

المشكة السيارة كوبيه ومافي مجال انو يكون صوت حدا متخبي خلف الكراسي ..!!

الصوت كل شوي عم بقرب تجاهي ..!!

طبعا انا عقلي كتيييير زفت وازيييييد السرعة بدي اشوف راح يبعد هالصووت وللاسف لا ...!

لما وصلت سرعة كتير عاليه طلع صووت رفيقي وحبيبي صاحبي المتوفي وهااي كلمتو دايما بيحكيها إزا

بتحبني لا تســـــرع ..!!

طبعا انا سمعت هيك كلمة وما تشوووووفي التوتر والخوف والفرحة والله مو عارف شو الحالة اللي صابتني ..

صرت احكي مع حالي معقوول هاد صوت صاحبي ونفس كلمتو اللي بيحكيلي هي دايما ..!!

لكن ما كنت خايف كتير ..لكن في رهبة موطبيعية في الموقف شي يعني قشعرييييرة صابتني بذهوول !!

لكن وقفت سيااارتي لمدة ربع ساعة تقريبا وانزلت من السيارة وقعدت اقرأ بعض آيات قرآنية .. وكل شي

تمام الحمد الله ..!!

وبعد مدة معينة كنت نايم ونفس هاد الصوت رجعلي ولكن اختفى الى هذا اليووم للاسف ..!!

سافرت بيروت وكنت بعرف شيخ بيعرف في هيك امور ماشالله عليه وحكيتلوا قصتي وبكامل تفاصيلها الي

ما بقدر اذكرها هون ...!! وفسرلي شو اللي صار معي من القصة والحمد الله رحي بالي كتيير ..!!

حكالي فعلا هاد صوت روح انسان ميت وبحبك كتييير وحكالي كلام كتير روحاني منو فهمتو ومنو مافهمتو .

ولكن المقصد فيه انو وقت ما انا اكون سعيد وفرحان حكالي شي طبيعي انك راح تتعود تسمع صوت

صديقك .. واذا رحت اماكن كنت تجلس انت وصديقك المتوفي فيها راح تسمع همس او اصوات ما بتعرف

مصدرها لكنها بتكون لشخص عزيز عليك ..!!

ومن التفسير الآخر لهذا الشيخ ..!!

وبخلاصة الكلام .. التفسير .. انا كنت كتييير مسرع سرعة مبالغ فيها .. ويعني لو ما خففت سرعتي وبقيت

مساافر بهيك سرعة على ما اعتقد وانا متأكد كان في هذا اليوم كنت من عداد المفقوودين ..!!

لأنو بعد هالموقف اللي صار معي تقريبا بربع ساعة و اقل كان هناك امامي منعطف خطير جدا عاليمين وبعد

المنعطف في جبل وفيها ورشة اصلاح وسبحان الله قبل وصولي للجبل بحوالي 400 متر حصلت سيارات

واقفه وقلت بيني وبين نفسي ياساتر شكلو حادث مروع ، طبعا وقف السير نهائي انا نزلت اشوف يمكن

حدا بدو فزعة مساعده وانزل الاقي نص الجبل واقع عالارض وكل المعدات الثقيلة عالارض وفي نص الطريق

والحمد الله ما حدا اصيب فيها ..!!

وسألت الشباب هناك خير متى صار هالشي ؟؟ حكولي تقريبا من ربع ساعة .!!

لكن انا لما شفت المنظر فعلا دمعت دموووع حزن والم وفرحة يعني دموع كوكتيل لانو حسيت إني لو ما

خففت السرعة او اني وقفت بعد هذا الموقف كان نصيبي تحت الجبل واكيد كنت في خبر كاان ..!!

وروح صديقي من بعد الله هي اللي انقذتني من موت كان بالنسبة لي انا كان محقق فعلا ..!!

وفي قصص وحكايات حقيقية صارت مع ناس .. وهذا علم وحقيقة وعلم الارواح وما بعد الموت وصعود

الروح وحساب الروح والخ ...!

هاي امور ومعتقدات ورؤى عمييقة مو حيالله حدا بيقدر يشوفها او يحاكيها او يتعلمها . ولكنها موجوده فعلا

في عالمنا الدنيوي السفلي ,,!! والله اعلم ..!!

ومشكوورة يافتاااة الحب . واعذريني عالاطالة .!!