[B a s i m a]

طيب يلا أجا دوري

أنا أغلب قصصي إللي متذكراها فيها يهود...يعني ما بتذكر لحظات بعينها أكتر من المواقف إللي كانت تصير مع اليهود..

مرة بالزمنات ...قبل ما تيجي السلطة يمكن بأواخر التمانينات و أوائل التسعينات..ما بذكر بالزبط

المهم...

في صباح أحد الأيام كنت أنا بالبيت ..و أهلي كلهم طالعين..لحد هلأ ما بعرف ليش كنت لحالي بالبيت..

و طبعاً كنا متعودين في أي لحظة ييجو اليهود يدخلو بيوتنا ...يفتشوها و يطلعو...متهيألي كانو بيدورو على المقاومين..

بهداك اليوم الأغبر...كنت لحالي...

فجأة...

سمعت خبط شديد على الباب...الباب كان حديد.. يعني تخيلو قوة الدقة...

طبعاً الخبط كان متلازم مع صرخات اليهود...متل المجانين ..." إفتااااخ باب....إفتاااخ باب"..

محروستكم وقفت بنص البيت...متسمرة....أو متمسمرة...

بجد و أنا بحكيلكم بتذكر شعوري...كان هيك شعور أصفر...يعني الدم هرب من وجهي...و رجليا بطلو يتحركو...

إنتو تخيلو كيف شعور طفلة لحالها ...و في على باب بيتهم وحوش...

استمر الخبط عالباب...و أنا مش متحركة...

حتى الدموع ما نزلت...بجد أصفر عالآخر..

فجأة ..

سمعت عمتى بتنادي عليا... بتحكيلي تعالي عندي...

كان بيننا و بين بيت عمتى شباك عالي...

استوعبت الموقف شوية شوية...

و بديت أتحرك...

كان في هناك سلم...لأنه الشباك عالي كتير...

طلعت عليه و نطيت عندها بالبيت...ضليت جمبها ...لا حس و لا نس...ساكتة...و لا دمعة حتى...

هيا صارت تهدي فيّا....

و لما روحو النكدين...أجت ماما و أختي إللي كانت بالمدرسة..

و روحت عبيتنا...


توتا توتا ...خلصت الحدوتااا..


اذا عجبتكو القصة...انتظروني بقصة تانية شبيهة..