[نداء الوطن]

هل تحب كونك فلسطيني ام تتمنى ان تكون من دوله اخرى وما هي ؟؟؟
مستحيل اني اتخيل نفسي غير فلسطينيه

هل تحب شخصيتك ومظهرك وحياتك اذا كان الجواب لا ما هي الشخصية والمظهر والحياة التي التي تحب ان تعيش ؟؟
الحمد لله انا راضية بحالي وما بدي اتغير

مالذي كنت تتمنى ان تحققه ولم يتحقق ؟؟؟
اني ادرس هندسه
درست سنه وحدة وبعدين حولت تربيه تكنولوجيه
اكيد السبب مش اني ما كنت منيحة بالهندسة بالعكس كان معدلي اعلى من التربية بس هيك الله كتب لي

اذا كنت طالبا جامعيا ماهو اكثر تخصص كنت تتمنى ان تدخله وماهي التخصصات المفضله لديك ؟؟؟
جاوبت بالسؤال السابق

هل تحب وتفخر بالعرب ؟؟
لا لانهم ما عملوا النا شيء برفع الراس
انا بفتخر بوطنيتي ومش بعروبتي

ما هي مواصفات شريك او شريكة حياتك بالتفصيل ؟؟ وكيف تحب ان ترتبط عن طريق قصة حب او بالطريقه التقليديه ؟؟
المواصفات هي
متعلم ومتقف
محبوب من قبل الناس اللي حوليه
عنده استعداد يفهمني ويعمل الاشياء اللي بتقدر تسعدني
اتمنى طبعا عن طريق الحب
بس لحد الان ما زبطت معي لاني ما راح اتزوج اللي بحبه
ماهي الطريقه بالتفصيل التي تحب من خلالها ان تلتقي بشريك او شريكة حياتك ؟؟
كنت اتمنى اتزوج انسان بعرفه من قبل ما ييجي يطلبني
ولحد الان بتمنى هذال الشيء
لانه اللي بده يتزوج نداء لازم هو يختارها مش تيجيني ام بتدور لابنها على عروس وتقعد تنقد فيي وبالاخر ما اعجبها
وتروح تشوه صورتي قدام ابنها وممكن لو هو شافني اعجبه وهاي اللطريقه بحس فيها تجريح للطرفين
عشان هيك نفسي حدا يشوفني وييجي يحكي مع ابوي مش التقاليد البايخة عنا هيي اللي تمشيني

ما هي الحياة المستقبليه التي تحب ان تعيشها وتتمنى ان تعيشها وما هي صفات الاسره التي تتمنى ان تكونها ؟؟؟
اكيد كل انسان برسم لحياته الاسرة المثاليه
انا ما بدي غير انه العلاقة اللي تكون بينا هي الاحترام اولا وثم المحبه والتقدير
وبتمنى انه اي سوء فهم يحصل بينا ينحل بينا وما حدا يدخل بيني وبين زوجي واولادي
وانا وزوجي نكون بس المسؤولين عن تربيه ابنائنا

ما طبيعة البيت او المسكن الذي تحب ان تعيش فيه وما هو المكان الذي تتمنى ان يكون فيه : عالبحر ، على الجبل ، في المدينه ..الخ ؟؟
انا ساكنه بقريه
كموقع هي جميله جدا جدا واذا في بحر مش خطا
بس كعادات وتقاليد بشعه كثير ونفسي اعيش بمدينه لانه احلالمي عند اهل المدن طبيعية جدا واقل من طبيعيه
اما بالقرى عيب وفضايح

لماذا برأيك تقليد العرب للغرب منتشر بيننا ؟؟
لانه العرب بحبوا كل شيء عالجاهز وما بحبوا يشغلوا عقولهم شوي
وانا طبعا ما عندي هالصفة (التقليد) سواء للغرب او الشرق

ما هو الشيء الذي ينقصنا لنصبح أفضل من الدول الغربيه من النواحي التعليميه والعلميه ومستوى المعيشه ؟؟
اتباع تعاليم الدين الاسلامي بكل امور حياتنا

ما الشيء الذي تحس انه يختفي بالتدريج مع تقدم الزمن وما الشيء الذي تحس انه ينتشر مع تقدم الزمن ؟؟


اذا أجابك أحد لماذا انت مسلم ماذا تجيب ؟؟ وكيف ستثبت له صحة الدين الاسلامي ؟؟
الاسلام شرف ووسام الي
وهاي اكبر نعمه الله وهبني اياها
بس كيف اثبت صحة الدين ما بعرف هلا لانها بدها تفكير
وكمان انا ما بحب افتي باشياء انا مش قدها وما في احلى من الصراحة

اذا كنت طالبا برأيك ما هي حدود العلاقه الصحيحه بين الشاب والفتاه في الجامعه وهل تقتنع في الصداقه بين الشاب والفتاه ؟؟
انا اقتنع فيهال ممكن لاني قمت بهيك تجربه
بس حتى تكون سليمه هالعلاقه
لازم يكون الها حدود منطقيه ولازم كل اللي حولي يكونوا يعرفوا شو طبيعه هالعلاقه
وطبعا الشاب اللي بعتبره صديقي مش معنى هذا اقضي طول وقتي معه
لانه اي شيء بزيد عن حده بنقص
وانا بحترم العلاقات اللي هم بحترموا بعض بوقفاتهم وحكيهم مع بعض

ما هي الصفات التي لا تحبها في الشاب وفي الفتاه ؟؟
في الشاب التسليه بالبنات
والبنت انها تكون رخيصة
وبكلا الطرفين الكذب والخيانه وعدم محبه الوطن

اذا جاء دكتور اجنبي لجامعتك كيف ستبين له بانك تفتخر ببلدك واسلامك ؟؟
هو اكيد راح يسال اشياء معينه ومن خلال اسئلته وكلامه ممكن نقدر نثبت
والدليل على اني بفتخر بنفسي
ببين اله انه احنا الشعب الوحدي اللي عنا ديمقراطيه بين كل الدول العربيه
وهذا اكبر شرف النا
لانه بنقدر نحكي كل اللي بدور بخواطرنا
وما بنخاف
والكل بعرف انه احنا دوله محتله ومع هيك ما سلمنا امرنا لله وقعدنا ننتظر رحمه ربنا ليحررنا من الايهود
وفدائنا من اجل وطنا وتحملنا المخاطر واحنا رايحين ندرس واحنا نمر عن الحواجز اللي باي لحظة ممكن تقوم عندها انتفاضه ثانيه دليل فخرنا بوطننا


طولت كثير بالاجابات بس موضوعك كثير رائع
يعطيك العافيه