[*ريحانة القلب*]

انا الصراحة اول شي لما زاعوا ع الاخبار الدنماركية انو تم نشر رسومات كريكتارية لرسولنا الحبيب

يعني كيف بدي اقولك .. كإنو اجتني الصدمة ..

ما فهمت شي و ما اجتني الا الصفنة !!!

ما بعرف ليش بس عمري ما كنت مفكرة انو توصل معهم المواصيل لهون ..

و كمان انو تنتشر الرسومات بالدنمارك البلد يلي عايشة فيها .. أثرت فيني أكتر

قبل ما كنا نسمع عنها في ناس عمرها ما سامعة بالبلد ..

بس هاد ذنبهم .. هني كونوا أعداء الهم !!

معك حق ... صابتني نفس الصدمة !

لا أكييد حزنت .. و انقهرت كمان كتير

تعدوا عل أشرف خلق الله !!

لا و لسا ما خلصوا .. لسا امبارح قرأت مقالة بقولوا فيها انهم ناويين يرسموا كاريكتارات جديدة !!!

حسبنــا الله و نعم الوكيل فيهــم :(





أكيد !!

بما اني عايشة بالمجتمع الدنماركي و بروح مدرسة دنماركية .. و صارت نقاشات كتيرة حول هل موضوع

حاولت اني افهمهم .. و احكيلهم من هو سيدنا محمد عليه الصلاة و السلام

هيي المشكلة انهم ماخدين القصة كمسخرة

قال ليش هل قد بتعملوا من القصة .. انسان عادي متلنا متلو !!

يعني الصراحة بتسمعي كلام بسم البدن .. بس بصبر و بحاول اني افهمهم شوي شوي !!

حسبنا الله ونعم الوكيل فيهم .. هاد دليل انهم مستخفين فينا

يعني لسه ما تابوا !!!!


والله الله يعينك يا سوسو

يعني كيف عايشة بينهم .. بس لا تنسي انو وجودك بينهم رح تسألي عنو

يعني انتي بموقعك لازم تأدي رسالة .. وتحاولي توصلي فكرة

واكيد الك اجر الصبر عليهم .. ومحاولة تفهيمهم ..

بتعرفيش يمكن وحدة منهم تروح نبحث عن الاسلام

من بعد كلامك وتعرف حقيقتو وتسلم ..

وقتها قلت لا تخنوهـــا !!

ما كفاهم اول مرة !!

لانو كإنو عملوها رجعوا بالجكارة .. و شافوا ردة فعل المسلمين و المظاهرات يلي طلعت و المقاطعة

بس ما هامهم شي !!

كلو ولا حرية التعبير تاعتهم





كمسلمين ببلاد الغرب .. فينا انو نعرفهم أكتر عن سيرة نبينا ..

و نعرفهم مين هو .. و شو بيعنيلنا ..

و نطلع مظاهرات مع انو ما رح تفيد !!

و ببلاد الاسلامية .. فيهم يعملوا مشاريع و ندوات تحكي عن رسولنا الحبيب

و أكيد اتباع سنة نبينـــا أهم شي !!

فعلا حرية التعبير هاي بتجلط ..

حلو كلامك ..

وطبعا اهم شي هو اتباع الحبيب ..

واتباع الدين .. لأنو (ان تنصروا الله ينصركم ) ..

.....


شكرا كتير ريحـــانتي ع الموضوع الحلو

و الله ينصر الاسلام و المسلمين في كل مكان ..

الله يبارك فيكي و يجزيكي كل خير :)

آآآمين ياااااارب

العفو حبيبتي سوسو

نورتي بردك ورأيك

الله يعينك ويوفقك لفعل الخير يارب


حياك الله