[مصرية وبتحب حماس]

قبل اسمك ماذا تحب أن تكتب ؟
بشخبط.. عشان اجرب القلم الاول.. ههههههههه

2- قطار حياتك الى اين يتجه ؟
والله الصبح لما بركبه بيوديني الشغل،، انما ساعات كتير ببقى عايزة اروح مكان تاني انام فيه نوووووووووووم ومحدش يصحيني لغاية ما اشبع نوم،، ولو اني عارفة نفسي

3- ما جريمة الحضارة من وجهة نظرك ؟
الجريمة في اللي ساكتين ع المجرمين مش المجرمين نفسهم

4- حيوان تشعر انه مظلوم ؟
الحمار طبعا،، مش عارفة بيشبهوا بيه الاغبياء ليه مع اننا لو ركزنا هنلاقيه مش غبي

5- حقيبة اسرارك عند من تودعها ؟
مش بثق في حد فبحطها في الدولاب من فوق،،، ما تقولوش لحد احسن ده سره،، هه؟

6- أحد علماء النفس قال ذات مرة : أنه باستطاعة الانسان العيش من دون اصدقاء .. ماذا ترى أنت ؟؟؟
سلمولي عليه ،،، ربنا يشفي،،، هو احنا ايه اصلا من غير صديق... ما سمعش اغنية: إلقالك حد؟

7- أين تأخذك ذروة الغضب ؟
لمرحلة الندم،، ثورة الغضب = كلام نطقناه ما كانش ينفع نقوله = أشخاص زعلناهم = ندم
8- ما أجمل شيء في الاسلام ؟
انه عرفني على الرسول واخلاقه ،،، لما بقرأها بتمنى كل الناس تكون زيه،،، بس نقول ايه، ده احنا باللي بنعمله بنبوظ الدنيا والناس تشاور علينا وتقول هما دول بأه المسلمين!!
9- لماذا لم تصبح مشهورا ؟
نصيب بأه تقولوا ايه.. أعترض؟

10- متى يعاندك النسيان ؟
والله على حسب اللي عايزة انساه،،، يعني تنسى موقف رخم حصل في الشارع غير لما تحاول تنسى فقدان عزيز

11- متى يقسو قلبك ؟
لما اتصدم في شخص فرد فعلي يكون أكثر من قاسي.. بيني وبينكو: بخاف من نفسي وبحس اني اعرف ابليس من زمان،، نيااااهاااااهااااا

12- هل حدث أن انتصرت على نفسك يوما وأحصيت عيوبك ؟
لو حصر العيوب انتصار على النفس فأنا اعتبر نفسي بطله بأه،، انما على فكرة الانتصار مش في حصر العيون انما في تغيير هذه العيوب

13- ما هو انطباعك عن السياسه ؟
ليها ناسها.. وناسها دول اصحاب موقف قادرين يدافعوا عنه

14 - متى تخجل من نفسك ؟
لما أظلم حد أو اسيء الظن بيه

15- في زمن البحث عن المادة ... عن ماذا تبحث أنت ؟
عن المكان اللي أرضي فيه طموحي واكون راضية عن نفسي فيه

16- ماهو هدفك بالحياة؟
أن يأتي الاسلام يوم القيامة ويشير لي ويقول: هذا أعزني

17- ضمن من تصنف نفسك سلبي ام ايجابي؟
ايجابي 75% بس

18- عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟
القرب والبعد في المكان ولا في مكانته بالنسبة لي؟؟؟ في الحالتين هساعد،، بنفس الاسلوب؟؟ ما افتكرش

19- عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟
انا بناقش حبة صغيرين،، واول ما اكتشف ان الكلام لا جدوى منه بيبقى الموضوع انتهى عندي،،، ما بحبش وجع الدمااااااااااااااااااااغ خالص

20- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
بسكت،، بسكت خااااااااااااااالص ومش بعلق

21- لو تفاجئت بخيانه شخص عزيز ايا كان كيف تتصرف معه؟
انا قلت فوق اني بتصرف تصرف قاسي لاني مجربة خيانة الاشخاص القريبة مني ودي بتبقى اقوى في التأثير من الاشخاص العاديين في حياتنا،، ربنا ما يدوقها لحد

22- لو طلب منك تولي منصب الوزير من تختار من الوزارات وماهي قرارات؟
هختار وزارة التعليم أكيد،،، هع هع هع هع هع ،،، خافوا على ولادكو بأه،، مصيرهم في ايدي
القرارات،،، لااااااااااااااااااا سيبوني كام أستمخ وأفكر بأه،، دي وزارة يا ناس مش لعب عيال