[أحمد صلاح شبلاق]

الحب وأيام الأسبوع

يوم الثلاثاء بدت القصة

لما خلصت دوام أخر حصة

لما شوفتها و سرقت قلبي متل اللصة

بالليل قابلتها بالمطعم بالصدفة

زاد حبي لما طلبت متل طلبي

طلبت رز وكباب حلبي

يوم الأربعاء شوفتها بتركب تاكسي

من الارتباك مشيت بسيارتي بطريق عكسي

عرفت اسمها يوم الخميس

طلع اسمها لميس

خبرتها عن نفسي يوم الجمعة

قالت مافي داعي أنا بسمع انك طيب السمعة

يوم السبت حكيتلها

انه حبيتها

وبقلبي حطيتها

رحت لأبوها يوم الأحد

أبوها قال تعال مع اهلك وجحد

رحنا أنا وأهلي يوم الاثنين

وصلنا ورنينا على الجرس رنتين

فتحوا بعد دقيقتين

حسيت كأنهم سنتين

دخلنا وأبوي فتح السيرة

أبوها قالها بس ميرا لسه صغيرة

أبوها كان مفكر انه بدنا أختها ميرا

بابا حكاله بدنا لميس الكبيرة

عرفت وقتها ليه جحدني يوم الأحد

طلعت لميس مش فاتحه الموضوع لأبوها

انه بدي إياها وكل حواسي يبوها

يوم الثلاثاء من الأسبوع الثاني

رحنا شوفنا الصالة واخترنا الأغاني

أول أغنيه راح تكون لنبيل شعيل "جاني"

الأربعاء الصبح اشترينا المحابس

وبالليل اشترينا الملابس

الخميس اجتمعت كل العيله

بأحلى حفله وأحلى ليله

تأليف أحمد صلاح شبلاق