رد: برنامج مطر برائحه الوطن...
أغاني شعبية فلسطينية
سبل عيونو وماد ايدوا يحنول
غزال زغير بالمنديل يلفولو
يا امي يا امي عبيلي المخاداتي
وطلعت من الدار وما ودعت خياتي
سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي
سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم
سبل عيونو وماد ايدوا يحنولو
غزال زغير بالمنديل يلفولو
*رويدتها
صاحت رويدي رويدتها رويدتها
رفقات العروس تعالوا تانودعها
واحنا نودع وهي تسكب مدامعها
خيتا يا عروس لا تبكي وتبكيني
نزلت دموعك على خدك حرقتني
لا تطلعي من بويتي يا معدلتي
يا مركنة أذيال بيتي مع مصطبتي
لا تطلعي من بويتي غيرت حالي
لا تطلعي من بويتي والهوا غربي
يا طلعتك من بويتي غير حالي
* كنت أعزب داير مبسوط
كنت أعزب داير مبسوط
والعب بين الشباني
والعب بين الشباني
قلي عقلي وإتجوز واخزي عين الشيطاني
واخزي عين الشيطاني
***
قسمة ونصيب أخدت الزين
قسمة ونصيب أخدت الزين
حبل الزين وجاب غليم
حبل الزين وجاب غليم
صار يقولي يا بابا بدي حلاوة منفوشة
صار يقولي يا بابا بدي حلاوة منفوشة
***
مديت إيدي عالجيبة
مديت إيدي على الجيبة
لقيت الجيبة مدحوشة
لقيت الجيبة مدحوشة
مني ومنو صار الهوش مني
مني ومنو صار الهوش
ع السرايا وسحبوني
ع السرايا وسحبوني
****
ألف عصايا ضربوني صرت أنادي يالي فوق
يالي فوق يالي فوق ارحم عبيدك يالي فوق
يالي فوق يالي فوق ارحم عبيدك يالي فوق
***
يا عريس يا غدار شو دلك عباب الدار
ودلني ماد لني ودلني ما دلني ما دلني إلا ابن عمي
ودلني ما دلني ما دلني إلا ابن عمي
هالي واقف عالطوبار هالي لابسلو قنطار
هالي واقف عالطوبار هالي لابسلو قنطار
***
لخلع وازرع باتنجان
لخلع وازرع باتنجان
عشان يام الفستان عشانك يام الفستان
لخلع وازرع بندوره
لخلع وازرع بندوره
عشانك يا غندورة
***
هيـ يامان الله يامان
هيـ يامان الله يامان
هيـ يامان على صديرها ياصديرها بلاط رخام
هيـ يامان الله يامان هيـ يامان على شعرها يا شعرها حبل الجمال
هيـ يامان الله يامان هيـ يامان على طولها يا طولها طلق الريحان
هيـ يامان الله يامان هيـ يامان على خدودها يا خدودها تفاح الشام
هيـ يامان الله يامان هيـ يامان على عيونها يا عيونها فتح الفنجان
هيـ يامان الله يامان صرت أنادي يالي فوق يالي فوق يالي فوق ارحم عبيدك يالي فوق
يالي فوق و يالي فوق ارحم عبيدك يالي فوق
***
يابو العريس يا منصور وبسيفك هدينا السور
يابو العريس يا منصور وبسيفك هدينا السور
يابو العريس لا تهتم شبابك شريبة دم
يابو العريس لاتهمتم شبابك شريبة دم
يابو العريس لا تعبس بدك عسكر بنلبس
يابو العريس لا تعبس بدك عسكر بنلبس
وهلهلي وهلهنالك صف البارود قبالك
وهلهلي وهلهنالك صف البارود قبالك
وهلهلي يا عروبية واحد منا يقابل مية
وهلهلي يا عروبية واحد منا يقابل مية
|