في البدايه السلام عليكم ياجماعة الخير
كيفكم وشو عاملين
اذا الصوت مو واضح حكوني فيني اوضحو
احم احمين تلاث ............. (اقتباس من مجهول)
رح ابدا بقصه حلوة وهي بداية كتابتي للشعر
هي قصه غريبه بعض الشي ولكن مقنعه
القصه هي اني بيوم كنت مع صحابي بسياره
وعملنا حادث سير وعلى اثرها تكسرو ضلوعي
وطبعا تكسير الضلوع بياثر علىالقلب
المهم رحت المشفى
ودخلت العنايه المركزه
واجو ستف دكاتره
مش عاجبهم وضعي
وانا عرفت انو وضعي حرج
مع اني صاحي ومش صاحي
بتزكرها متل حلم
المهم
بعد يومين
كنت اشوف الموت بالليل مليون مره
لحد ماتعرفت على ممرض كان رفيق غرفتي واسمو امجد الله ياربي يزكرو بالخير وهو من برقه وهالقريه بحبها كثير عشانو
كان كل ليله يجي ويقعد عندي لحد الصبح ويسليني
المهم بيوم اشتدت حالتي وصرت اقرب للموت
ولما شفت الدكاتره رايحين جايين
عرفت اني مودع قريبا
حكيت لا امجد
انا نفسي قبل ما اموت اعمل شي
حكالي شو هو
حكيتلو نفسي اكتب شي
وطبعا اهلي بعاد ومابقدرو يوصلو بسرعه
المهم
فكرت اني اكتب شي لا امي
او لا ابوي
مازبطت
هون بلش الموقف
اني كنت اعرف بنت اسمها اريج كانت زميله وكانت تسال علي دايما
حبيت اكتب الها ولو رساله اعبرلها عن احترامي
وطبعا ماكنت قادر احرك ايدي
حكيت لا امجد انا بحكيلك وانتا اكتب
والله ماقصر
وساعتها كانت ولادة قصيدتي الاولى
::::::::::::::__-- اناغيم اخيرة --__:::::::::::
وبعد هيك الله شفاني
ولكن اكتشفت اني قادر اني اكتب شي بحياتي ماحبيتو وهو الشعر العربي
وبعدها قررت اني ادرس بالاردن وابعد عن حياة الولدنه
وفعلا لئيت ابن عمتي بالاردن
ونصحني ادرس معو بالجامعه تكنولوجيا معلومات
وفعلا رحت وسالت
لقيت عميد الجامعه
حكالي معك ربع ساعه بتجيب القسط لانو في شب تاني ومافي مقاعد
وانا عشان ما اظلم واحد فيكم الي بيسبق هو بياخد المقعد
ونزلت حكيت لا ابن عمتي بدو 1500 دينار
بدي اروح اسحبهم من العبدلي
حكالي هيك بدك ساعه
ههههههههههههههه
انا كنت غيرت راي بديش ادرس
دعيت الله اني اوصل متاخر
المهم جبت الفلوس
ووصلت
بيحكيلي العميد اوك
خلص اقبلناكم انتو التنين
هههههههههههه
ومن يومها حبيت اتعرف على الشب وصرنا اعز صحاب
اسمو رشاد الحج محمد الله يخليه يارب
وبعد هيك بلشت الحياه بالاردن وسكنت مع ابن عمتي بسكن الجامعه الخاص
وبرجع بكمل شو صار معي بعدها