[Abu Shadi]

مــــساء الخــــيــــر

في البـــدايــــة بحب اشكر عمووو ابو شاكر لاستضافتو الي على المايك

وبشكر السادة المستمعين جميعا

وامسية طيبة عليكم ان شاء الله

واليوم حـــابب أعرفكم اشوية عن ضيفكم على المايــك

أنــــا اخوكم عبد العزيز طبعا معروف بينكم بإسم بـــــودي ســـاكن في شمـــال قطاع غزة (مشروع بيت لاهيا)

عمري 20 سنة واللهم طول بعمري// :p

طبعي هـــادي يعني بحب الهدوء كثير وبحب السكون واكثر شي بحبو الليل

طبعا هذا الطبع ما بغني عن مزحي وهزاري وضحكي الزنخ بعرف الي ممكن يدايق الكثير منكم بس هاي خلقة

تقدرو تقولو يعني انسان انخلق وفيه الهدوء بأوقاتو والمشاكسة بوقتها والضحك بوقتو والجدية بوقتو

انا انسان فضولي بردووو يعني بحب اكتشف واكتشافاتي دايما ما بتأدي للمشاكل والحمد لله

عيبي الوحيد عصبي يعني بعصب بسرعة بس بحاول اسيطر عليه قد ما اقدر لكن على الفاضي

لكن في مشكلة تانية بنفس الموضوع يمكن انتو اتفكروها ميزة حلوة لكن ما بعرف مو مهم

وطبعا الي هي عدم اظهار العصبية والزعل الا لصاحب الموضوع يعني ممكن اعصب من ابو شاكر ابينلو عصبيتي

لكن اجي على المنتدى اضحك واهزر بس لو شفتو بالمنتدى اعصب عليه هههههه عادي يعني

والزعل نفس الشي الحمد لله على كل حال

بحب الطلعات والطشات والجيات لكن بالطلعات يالي فيها الطرنيب والتريكس والنارجيلة

ما بحب الطشات الي فيها قال فلان وفلان عمل والاستغابة لاني بحس بملل وبحس بإثم

في نفس الوقت بحبش حدا يتكلم عني

يعني غالبا بين كل فترة وفترة بيجيني شخص بقلي فلان اتكلم عنك بطنش

وشعاري طنش تعش تنتعش وفعلا بمشي وموت بقهرك يالي بتتكلم

بحب ابني قدرات بس بعقلي مو بالجسد

بحب اظلني مثل ما انا افضل بودي الكول

كل انسان الو نقطة ضعف بس انا ما الي نقطة ضعف ما بعرف ليه

بحب اخاطر حتى لو فيها موت

لكن في نفس الوقت حذر

بحب الصداقات والصحبة بس مو بشكل كبير يعني اصحابي بختارهم من بين عدة اخارين وانا الي بجمعهم وبعملهم اصحاب لنصير شلة

بحب اكون مميز بين ناس ما بعرفهم لكن بين اصحابي بحب كون مثلهم لحتى ما يصير بينا الغيرة

وسبب الغيرة عرفينو طبعا

اصحابي طبعا كلهم خارج النت لكن جيفارا نابلس لاني بجد كثير دخل قلبي هالشب وبلاقي عقلي على عقلو

وسبحان الله لمن نقعد سوا بيحكي اسباني ببقا يغلط علي وانا مو فاهم بعرف بس ببقا ارد عليه بالعربي هو بكونش فاهم بردو ههههههههههه

ربنا يحفظك خيو جيفارا طبعا بعرف خوات الي من هون ومن خارج هون وكلهم كثير غالين وراح اذكر كل انسان عرفتو من هالمنتدى وميزتو ودرجتو فيما بعد

الاخ مــــؤيــــــد بعزووو كثير ونفسي اكلمو بجد لانو شب كثير رائع وبستقبل الناس بالقلب ربنا يحفظو لاهلو واحبابو

الاخ القـــلـــب الطـــيــب الله يسهل عليه بجد هالبنأدم معزتو بقلبي كل يوم بتزيد بس زعلان منو لانو زمان ما كلمتو ربنا يحفظووو ويبعتلو بنت الحلال

وما بنسى اخي قســــامي غـــــزة ربنا يوفقو ويسعدو بحياتووو طبعا مستغربين اكيد شب فتحاوي بيعز شباب اسماءهم حمساوية

لا تستغربو نحنا بهالمنتدى عشنا اسرة او اكثر من اسرة نسينا شي اسمو احزاب ونسينا شي اسمو عنصرية عشنا اخوة واحباب

ما عرفنا من بعض الحقد طبعا الصداقة جمعتنا بعد مشاكل وطوش كثير يمكن ومناقشات بس بنفس الوقت نزيد بإحترامنا لبعض

طبعا انا ذكرت بعض الشباب واسمحولي لديق الوقت ان اكمل عليكم فيما بعد

تاااابعوني بالحلقة القادمة مع سلسلة بــــــــــــــودي والكشف عن المستور ....

خطير هالنك نيم