[مؤيد]

أنا كنت حابب انو تحكيلنا بإيجاز مش انو تعبي حالك وتكتبي موضوع طويل عريض ^.^ ....

بس المهم اني قرأته كلو .....

أنا ليش سألتك انو تحكيلنا رحلتك لغزة ؟

لإنو بحب اشوف المغتربين الي كانو عايشين برا فلسطين كيف انطباعهم لما يجو على جوا فلسطين يعيشو فيها .....

طبعاً لإنو انا كنت مغترب مع اهلي برا فلسطين ، فأكيد لما كنا عايشين بره ولما اجينا على فلسطين عالضفة كتير تأثرت وتدايقت بسبب الاختلاف الكبير بين نمط الحياة الي تعودنا عليه في قطر وبين نمط الحياة بفلسطين ، ولحد هلأ مع انو النا سنوات بحس حالي مش قادر اتأقلم بنسبة كبيرة واتعود على نمط الحياة هون ، وطبعاً غير فترة الانتفاضة الي عايشناها هون لما كان منع التجول من قبل الاحتلال كنا بتزكر نقعد أسبوع كامل بالبيت ممنوع نتحرك يعني سجن وحبس ....

وطبعاً قصتك مش اول قصة معناة ولا هي اخر قصة ، كل المغتربين متلك احلى مايا ، مش انتي اول وحدة بتتدايقي من الوضع بفلسطين ، لإنها بتضل دولة محتلة يعني ما فينا نكون متل اي دولة .....

وفعلاً لسه رحلتك اصعب بكتير من غيرك ، بس شو نعمل عاد ، هيك القدر وهيك حالنا ....

والحمد لله انو وصلتي بالسلامة وهادا اهم شي .....

وانك التحقتي بالجامعة واخترتي التخصص الي بترغبي فيه .....

ويعطيكِ الف عافية على الموضوع ....

وكنت حابب كمان اسمع معاناة الوصول لغزة من احد اعضاء المنتدى ...

يسلمو كتير احلى مايا وبتمنالك دوام التوفيق والنجاح بحياتك ....