رد: ][®][^][®][مــــــآيــــك المــنــتــدى][®][^][®][
حسيت اني اتكلمت اوي بس لسة عندي حاجات تانية عايزة اقولها
بس مش عارفة
لسة نفسي أتكلم
المنتدى كتير غالي علية
و حلتو الجديدة بتجنن
بس الحلة القديمة بموت فيها و كل ما اشوفها او بالاحرى اتذكرها
احس بنوستالجيا ليها
لانها بتذكرني زي ما قلت في الموضوع
بزمن القلوب النضيفه
و من زمان اقترحت اقتراح
طلبت انو ينعمل قسم خاص بالماسنجر
بس طنشوني
و مردوش علية
اقصد بده محمود
مش عارفه
قلة وقت منو او عدم اقتناع بالفكرة و تفادي الرفض لتفادي احراجي
و على ذكر محمود
عندي موضوع بالدعم الفني مستني أراءكم
يعني حرام
عايزة كمان أعتذر من أي حد عندي عالميل عشان حصلت قظيعة بيني و بينهم بسبب القطيعة اللي بيني و بين الاميل
كمان عايزة أكلمكم عن العضو اللي عرفني عن المنتدى و أضلا ازاي اتعرفت عالمنتدى
القصة كلها ان كان عندي شلة مصرية بكلمها عالمنتدى
شلة بعرف عنهم كل حاجة
هما كلهم شباب
بعرف اخواتهم البنات صحابهم الشباب
اللي اعرف خالتو و اللي اعرف عممو و اللي اعرفو ماماه و باباه
و اللي اعرف اخوه و مرات اخوه و اللي اعرف خطيبتو
يعني اتسللت لعيلتهم و لحياتهم و أدق تفاصيل حياتهم معايا
واحد منهم اسمو وهم اسمه الحب
مرة قاعد بيقلي انا عايش حالة حرب مع عضوات منتدى و بجد انا مسحت الارض بيهم و عملت عمايل فيهم
بيتكلم بطريقة تقة زيادة عن اللزوم و غرور مش طبيعي و حاجة قهرتني
و كان ديما بيبعتلي المواضيع اول باول
قمت مرة سجلت بالمنتدى ده
من غير ما يعرف
و عملتلو صداع هو و باقي الشباب
لدرجة انو بييجي عندي عالاميل و يقلي ياه فيه بنت سوسة عاملالي ازعاج مش طبيعي في القسم
و أنا أقعد أعمل فيها بريئة
و الله ؟
مين البنت دي ؟
أعرفها أنا ؟
و فضلت معاه عالاميل و عالمنتدى من غير ما يكشفني
مع ان الشخصية وحدة
بس هو مش عارفه ليه مخطرش في بالو اعمل فيه مقلب زي ده
المهم
او بالاحرى المويهم
فضلت عالحال ده لحد ما حبيت العبها عكبير اوي
و قامت نور اليقين اللي بالاميل طلبت من وهم اسمه الحب يعرفها على نور اليقين اللي بالمنتدى
و فعلا
أخد وهم اسمه الحب اميل نور اليقين اللي عالمنتدى و لما اتعرف عليها طلب يجمعها على بنت تانية
و الكوميك في الموضوع
انو بييجي عن نور اليقين الاميل و بيقعد يكلمها عن نور اليقين اللي عالمنتدى
و العكس
و أنا مكيفه عالموضوع
و استمرت الحكاية اسبوعين
لحد ما مرة قالي انو عايز يعملنا محادتة جماعية
انا قلت خلااااااص
هنكشف
بس عمل المحادتة الجماعية
و عرفت العب الدور صح
و خليت نور اليقين بتاع المنتدى و نور اليقين اللي عالاميل صحاب كمان
و أخدو نمر موبايلات بعض
و عايشة الدور
و ماما بتسلم عليكي يا نور
و اختي عايزة تكلمك عالميل يا نور
و حكاوي
لحد ما ضميري انبني و اعترفتلو بعملتي
في الاول اخدها بروح رياضية
بعدها زعل و اعتبرني ضحكت عليه و اني محادعه
و بسببها ساب المنتدى
و بسببها قل عني كلام وحش في المنتدى
صدمتي فيه كانت كبيرة جدا
كانت بجد اخوية الكبير اللي بسمع منو زي ما هو و كل الشلة بيسمع مني
كلنا بنسمه من بعض و كنا بنشيل بعض
بس هزار التقيل ده خلاه ياخد مني موقف
اتصالحنا بعدين بس اكيد مرجعناش زي ما كنا
لانو اللي بينكسر مبيتصلحش
بس بيضل اخ عزيز علية و بتمنالو كل خير
لما كنت بكلمو باباه كان عايز يجوزو
فمش عارفه اتجوز و لا لأ
بس عامة
بتمنالو السعادة من كل قلبي
حتى لو غلط في حقي
و كان ديما يقلي يا فاشلة
كلمة يا فاشلة دي كانت الدلع بتاعي عندو
أيام و الله
و بس
ده آخر رد هتكلم فيه عن نفسي
كفاية بقه
هنتقل لحاجة تانية
بس ايه هي
مش عارفه
امممــ
فضلت أتكلم عن نفسي بس
من غير أي حاجة تانية
عشان كل دي خجات ملحوق عليها في مواضيع تانية في المنتدى
الا دي
ساعه صراحة بيني و بينكم
و فضفضة بيني و بين نفسي
و بجد ارتحت و انا بتكلم
و يلا
المايك فري
اوبس
المايك عندك
|