رد: ][®][^][®][مــــــآيــــك المــنــتــدى][®][^][®][
أكلمكم بقة عن يومي
يومي روتيني جدا
طبعا الكل عارف اني بشتغل
ingénieur support logiciel
بقالي تقريبا ست شهور
و خلصت دراسة من ست شهور برضو
يعني خلصت دراسة من هنا لقيت شغل من هنا
شغلي مش متعب ابدا بدليل اني طول اليوم عالمنتدى
كلو عبارة عن تيليفونات مع زباين كلهم فرنسيين
و لو يومي مش حلو بيكون زبون امريكي بيتكلم فرنسي فبجاهد عشان افهم منو كلمة وحدة
و الباقي بخممو عشان اعرف هو عايز ايه
عندنا برنامج و أنا مكلفة بصيانتو
و اي مشكلة عليه لازم أحلها
مش متعب بدنيا بس متعب فكريا
و ممل كمان
ساعات بيكون فيه ناس كبار من زوءهم بتمنى اديهم عنية و بزعل جدا لو مقدرتش احل مشكلتهم
و اسمي ياي لما بينطعوه
بيجنن
حبيتو على فكرة
بيطلع لزيز بشكل
و لما بيعرفوه خلاص
مبيبقوش عايزين يسكتو
كل كلمة يقلوه
عأد ما هو حلو في النطق خاصة بلهجتهم
و لما بيعرفو اني في المغرب بيستغربو و بعدين هات يا أٍئلة عالمغرب
مرة في راجل اسمو Mr castéra
حوالي الخمسة و تمانين سنة
مبيحبش يشتغل مع حد غيري
قالي مرة انو جه المغرب وقت ماكان لسة فرنسا محتلانا
يعني تصورو عمرو كام
أنا بس خممت انو خمسة و تمانين
بس أضن انو اكتر
ده بقة لو مساعدتوش ببقى عايزة أعيط
و فيه واحد تاني
اسمو Mr michel dourdin
عطول عندو مشاكل
مش عارفه يعني
غريب امرو
و كل ما بيتكلم المشرف عالشغل عندنا بيقلي رفيقك عايزك
يعني بجد حاجة تقهر بس برضو بحب اهدمو
بحس انو من فئة الباشاوات و البهاوات زي في مصر قبل التورة
بحب شغلي مع انو بكره الصحيان بدري
يعني بصحى الساعه سبعه
و انا مدمنة نوم
تصورو
كمان قريب من بيتنا
تصورو
طول حياتي و انا قريبة من بتنا
دراسة ابتدائي و اعدادي و تانوي و حتى في دراستي للكمبيوتر
و دلوقتي في شغلي
هي كويسة و مش كويسة
يعني حلو برضو الواحد يبعد
و عذكر البعد
أنا و أٍيرة النجوم من يوم ما اتعرفنا على بعض
مسبناش بعض أبدا أبدا أبدا
في الدراسة مع بعض
و العطل مع بعض
بحكم اننا جران
و في دوراتنا التدريبية مع بعض
أجمل أيام عمري قضيتها في الدورات التدريبية معاها
مجانين مجانين مجانين
كنا ديما بنبكي من كتر ما بنضحك
و بجد بتحصل معانا مواقف رهيبة
يعني سبحان الله
اسيرة من النوع العاقل
بس لما بنلتقي مع بعض
بتبطل هادية
خلاص
جنون و "تسطية" و هبل رسمي
يعني حكاية أنا و هية
و لية معاها ذكريات لا تنسى
بتذكرها بغقد بهزر لوحدي
بتذكر مرة كنا رحنا عالجامعه
كنا لسة مخلصين تانوي و رايحين نشوف الجامعة عاملة ايه
وقتها الكافيتريا مقفولة
فخرحنا برة جبنا حاجة نسربها
"رايبي" أو "دانوب" مش متذكرة
قعدنا جمب شجرة و عايشين جو رومانسي مفيش زيوو
لحد ما جد ذبابة شريرة عكننت على أسيرة
أنا خلصت و قعدت أتفرج عليها
يعني تقلها طيري و هي رافضة تسيبها في حالها
لحد ما العبقرية نزلت مرة وحدة على اسيرة
ال ايه
هتضربها بايدها
و معرفتش تضربها غير بالايد اللي ماسكة "دانوب"
و كانت لابسة بنطلون اسود
طبعا البنطلون اسود قبل ما اشيرة تذرب الذبابة
عشان سكبتو كلو عليها
انا لما شفت المنظر
هستيريا ضحك جاتني
يعني حتى اللي مش مهتم و مش واخد بالو
اخد بالو بسبب ضحكي
و يا حرام
كان فيه شاب تزامن اطلاق ضحكتي او انفجارها بالاحرى
مع مرورو من جمبي
فكنرني بضحك عليه
يعني ماشي و بيبص وراه و عنيه حقد علية
و طبعا أسيرة ميتة ضحك كمان
فكرت فكرت و قالت انها هتحاول تستر عملتها
و كان فيه حج بيسقي الزرع في حديقة الجامعه
قامت اسيرة الت انها هتحاول تغسل من المية اللي حارجة من تقب في انبوب المية اللي بيسقي بيه الراجل ده
قبل ما تبتدي تغسل كان تقب صغير
بس اول ما جت تغسل
التقب انفجر و بقى نافورة
و طبعا اسيرة اخدت دش
حمام مية و على الملآ
و طبعا هي مصدومة بتبصلي عشان انقدها
و انا كمان مصدومة
و لما بطلت صدمة
انفجرت ضحك
ضحك مش طبيعي
و الكل بيبصلنا
و بصراحة مش عارفه بيضحكو على مين
علية و لا عليها
لاني من كتر ضحكي ابتديت اعيط
يوم لا ينسى
كمان موقف حصلي معاها
كنا خارجين نتفسح
بس كما العادة
تهنا
و عندنا مكان عبارة عن مفترق طرق
فيه سبع طرق بتتقاطع
انا و هي لما جينا وسطهم في مفرق الطرق ده
احترنا و مبقيناش عارفين ناخد اي طريق
هي تقلي تعالي يمين انا قلها شمال
هي تجرني و انا اجرها
و يومها تصادق ده ان حركة المرور كانت شبه منعدمة ده لو مكنتش منعدمة تماما
فلما فقنا لنفسنا
اكتشفنا ان كل شرطيي المرور اللي مكلفين بالمنطقة دي
اتجمعو
و ميتين ضحك
يعني سابو شغلهم و وقفو يتفرجو علينا
و مش بعيدة انهم اتراهنو على اي طريق هنروح منو
يومها لا ينسى
وكان عددهم عشر شرطيين او اكتر
مش فاكرة بالضبط
و فيه و فيه و فيه
انا و اسيرة مبنرحش مكان الا و نعمل مصايب
مرة في جنازة ام وحدة صاحباتنا
ربنا يرحمها
كنا قاعدين احنا بس اللي بنات صغيرة مع مجموعة نساء كبيرة
و الصالون كان نصفين
هما قعدو يمين و احنا شمال
و قعدنا نبصلهم
و هما يبصولنا
و الاوضة فاضية و هدوء رهيب عم عالمكان
و فجأة
وحدة ابتدت تبصلنا و تقول للتانية انا ابني ناشاء الله عليه مال و جمال و بفكر اجوزو
و التانية فهمتها و قالتلها لا يختي ابنك لسة صغير انا اللي المفروض احوز ابني لاول
و وحدة تانية تقلها انتو ولد واحد و هتتخانقو عليه
انا عندي اتنين و ان شاء الله عن قريب هعزمكم على فرحو
و أبتدو شوية بس هيتخانقو
و أنا و أسيرة فاهمينهم و ميتين ضحك عليهم بس حابسين الضحكة
اولا عشان عيب احنا في جنازة مش فرح و تانيا عشان منحرجهمش
و سكتنا و سكتنا و هما شوية بس و هيمسكو في رقبة بعض
و وقتها قالتلي اسيرة ياه لو اقدر اقفز من هنا لبرة الاوضة اضحك عراحتي و أرجع
قلتلها أنا في الظروف اللي أنا فيها اؤكدلك اني اقدر اقفز قفز على الحواجزو أجرك معايا عشان اتجاوز الصالون ده و اخرج أنفجر ضحك برة
ياه
أيام و الله
|