[نور اليقين]

أولا أحب أعرفكم بنفسي

بحكم انو رغم تواجدي و رغم مشاركاتي

الا ان كل الأعضاء الجدد مبيعرفونيش

أنا يا حلوين نور اليقين

بقالي هنا في المنتدى مدة مش قليلة

اتعرفت عليه عن طريق عضو بطل يدخلو من زمان

ابتديتو بشغب و من أول يوم انخرطت فيه عملت مشاكل

كنت فوضوية و بحب المشاكل بصراحة

بس مشاكل لزيزة

انخرطت فيه بسبب حرب كان معمولة بين الشباب و البنات

و وقتها قسم النكت و الفكاهة كان كل المشاركات اللي فيه مقتصرة على ست أشخاص

أنا و توين و الوردة الحمراء و وهم اسمه الحب و شمس الأصيل و عيسى

كنا بنزل مواضيع حرب

بنات تتريق على الشباب و شباب تتريق عالبنات

و حجات جنان

لدرجة محمود أقفل القسم ده

و كل مرة بنقلو خلاص حرمنا

يرجع يفتحو

نحاول و نضغط على نفسنا نلتزم بس منقدرش

فيرجع يقفلو

و بتذكر بعتلي كدا رسالة بيحكيلي فيها

ايه

مش هتحرمي ؟

و أنا وقتها جديدة و كان اول منتدى أسجل فيه

و آخر منتدى

فمكنتش عارفه مدير منتدى تعني ايه و ايه صلاحياتو

بعدها توين و الوردة الحمراء و عيسى و وهم اسمه الحب و شمس الأصيل هدو اللعب

فاظطررت مرغمة اني اهديه معاهم

مهو مش معقول هحارب لوجدي او هنزل مواضيع لوحدي

هنا بقة اكتشفت ان المنتدى أكبر بكتير

اكتشفت انو مش بس قسم النكت و الفكاهة

ان فيه قسم الصور و القسم العام

وقتها خلاص

صرفت نظر عن قسم النكت و الفكاهة

و اهتميت بقسم الصور و خاصة العام

كنت مدمنة للقسم العام

بحب بشكل مش طبيعي

يوميا بنزل أربع مواضيع أو خمسة

و يوميا بينحذفلي تلات مواضيع او أكتر

و ولا هاممني

و لا نقص من عزيمتي

وقتها مشرفة العام كانت بيسان

عضوة بجد حبوبة

و بعتبرها أروع مشرفه مرت عالعام

يعني بجد

كانت مدياه رونق مش طبيعي

و ردودها رهيبة

كنت و لازت عاشقه لأسلوبها في الردود

و قسم الصور كان قسمي المفضل

وقتها هلين كانت قطة المنتدى

و القسم كلو مليان قطط

و أنا مبحبش القطط

كنت واخدة منها موقف عشان قططها اللي مسبتش ركن في المنتدى

خاصة قسمي المفضل اللي هو الصور

و كمان كنت بحبو عشان كنت مرة مرة بتهور و بنزل مواضيع تكميلية لحرب الشباب و الصبايا

بس مكنتش بتجاوز الحدود عشان مش عايزاه ينقفل هو كمان

لاني ابتديت افهم ان محمود اللي بعتلي الرسايل التحذيرية هو مدير المنتدى اللي يقدر يقفل و يفتح اي قسم وقت ما هو عايز

كان فيه عضوة اسمها الوردة الحمراء

أم أيمن

عضوة حبيتها و لسة بحبها و أدفع نص عمري عشان أ{جع أكلمها و أطمن عليها

عضوة كانت بتحبني جدا بس أكيد مش أد حبي ليها

مرة أحد العضوات كتبت رد بتقول فيه اني بايخة او مش عارفه ايه

قامت الوردة الحمراء حياتي قالتلها محدش يتكلم عن نور

كلو الا نور

و الله يومها بس صدقت ان فيه حب صادق عن طريق النت

لاني من النوع اللي بيهوى النت

و اميلي مليان ييجي الف او الفين عضو كلهم بكلمهم

و يوميا لازم أكلم على الأقل عشرين شخص

لدرجة اني قادرة اكلم عشرة في نفس الوقت و اخليهم يحسو اني بكلمهم هما بس

من كتر ما بكتب عربي بسرعه و قادرة اركز مع الكل في نفس الوقت

بس كنت وخداها تسلية

يعني بصريح العبارة

كنت أعرف مليون واحد و كنت الأخت العاقلة الحكيمة للكل

و أي حد محتاج نصيحة او مساعدة انا موجودة

و في الهزار و المزح مفيش أحسن مني

يعني كنت بنت عايشة حياتها و اوبن جدا و معنديش فرق بين بنت او شاب

بالعكس

معنديش عالاميل الا الشباب

و الكل يقلي اني اختي و مش عارفه ايه و انا اقول اه اوكي مصدقة

و حوايا بنكر ان فيه مشاعر عالنت

حتى لو اخوية

حتى لو احترام

بالنسبالي كلو اوهام

كلو تسلية

كلو كذب و نفاق

كلو سراب

لحد ما جت الوردة الحمراء و خلتني أغير رأيي ده

و بجد أيام كتيرة بقعد مع نفسي أفكر فيها و في ابنها و بدعيلها من كل قلبي ربنا يسعدها و يوفقها

غير ده طبعا

اللي خلاني أتأكد ان فيه علاقات انسانية عالنت

توين و فراشة

مرة عملولي عيد ميلادي

و بعتولي رسالة خاصة قالولي احنا عاملينلك حفلة عيد ميلاد

انتي فينك

مش هتيجي ؟

من سذاجتي او بالأحرى من جهلي بعالم المنتديات

كنت هرد عليهم في الرسالة و أقلهم يا حبيباتي أنا في المغرب و انتو بالامارات

تصورو

بس بعدين بعتولي رسالة تانية قالولي فيها تعالي على قسم ميلاد قلم

وقتها ملتقى الأحبة كان اسمو ميلاد قلم

و ياه على احساسي وقتها

مش مصدقة

و من كتر تحمسي كنت بمر من على القسم و أنا مش شايفاه و أقول هو فين أنا مش لقياه

لقيتو و فرحت بيه جدا

لسة فاكرة عنوانو

يلا نعايد نور اليقين

كان موضوع بسيط جدا بس عندي غالي و غالي جدا

وقتها الاعضاء مكنوش شاطرين بالفوتوشوب

يعني دلوقتي اي موضوع تصاميم و موسيقى و هدايا

وقتها كان بس كلمات بسيطة بس من القلب

من القلب

صادقة جدا

دلوقتي تصاميم و موسيقى و شغل متعوب عليه و مجهود فظيع

بس بردو

بتحس ان فيه نفاق

مش زي زمان

المهم

كان موضوع روعه

كل الأعضاء دخلوه

اللي يعرفوني و اللي ميعرفونيش

كان ذكرى لاتنسى

بتذكر وقتها من كتر ما عملت شات بالموضوع

توين كانت هتطردني منو

رغم انو حفلتي

أنا لحد دلوقتي معروفة ان اي موضوع بدخلو

الا و أٌلبو شات

بس زمان كنت بعمل شات بشكل مش طبيعي


ساعات بقول ان الشات تم منعو في المنتدى من ورايا

أنا و ابن فلسطين طبعا

زمان مكنش موضوع ليه الا و أدخلو

و هو كمان

أ] موضوع لية لازم يدخلو

ليه ؟

عشان نقلبو شات

بتذكر مرة نزل موضوع لأمير الأحزان

الله يذكرو بالخير

في ظرف تلات دقايق بس

قلب أربعين رد

و فاكرة وقتها دموع الرحيل نانا

دخلت و هي مستغربة

قالت انا استغربت ان موضوع جديد لسة نازل فيه اربعين رد , كان المفروض مستغربش و اعرف ان نور اليقين و ابن فلسطين ورى القصة دي

و طبعا امير الاحزان كمان عضو ليه ذكريات معايا

هو كمان كان عندو موقف ضد المرأة

و مواضيعو كانت ضدها

و طبعا اللي ضد المرأة نور ضدو على طول

و لسة فاكرة بردو ان فيه عضو اسمو ائتلاف نزل موضوع اهداء لية أنا و أمير الأحزان عشان يصالحنا , موضوع اهمية المرأة للرجل و الرجل للمرأة

من أروع المواضيع اللي قرأتها بحياتي بصراحة

في أعضاء كتيرة في المنتدى حبيتهم من كل قلبي

و اتعلقت بيهم

للأسف تركونا بس و الله لسة بقلي

بتذكر الوردة الحمراء و امير الاحزان و عيسى و ابو سليم و ائتلاف و سحر العيون

أعضاء حبيتهم حب صادق

و فارس فلسطين

كنت ديما بحبو لما بيقرى مواضيعي

كنت بحسو متابع مواضيعي

ديما مواضيعي القديمة خاصة بالعام و الصور

بيروح يرفعها و يقراها و كنت بجد بفرح لما اشوف متابعتو لية

طبعا من بين الأعضاء اللي ليهم معزة خاصة جدا جدا جدا عندي

عاشق الحور

أكتر من أخ و أعز و الله

و لو كان أخوية بجد مكنتش هحبو أد ما بحبو دلوقتي

هو و أبو معاذ

أبو معاذ ده الروعه

التوب

انسان رقيق حساس و شهم

يعتمد عليه

و مهما حكيت عنو مش هوفيه حقو

و هو بيعرف هو غالي عندي اد ايه

هو و دعاء

اليل أكيدة انها زعلانة مني

و فاكراني نسياها

بس كلمة هقولها

انقالتلي مرة و من وقتها منسيتهاش و استحالة انسانة لان الانسان اللي قالهالي غالي جدا جدا عندي

"أبت الحدود الا أن تفرقنا"

بتذكر ان اول بنت اتعرفت عليها في المنتدى هي دموع الرحيل

البنت المتدينة اللي كانت السبب في تحجبي

هي و عضو تاني من المنتدى جزاهم الله كل خير

و بتذكر كلمة للشخص ده

كان ديما يكلمني عن الحجاب


بس كلام عادي

لجحد ما قالي كلمة حسستني اد ايه هو جميل و نقي من جوة

قالي متحرمنيش من فرحة لقيى ربي و أنا شايل معايا حسنات تحجبك على ايدي

يومها بجد عيوني دمعو و حسيت اني و لا حاجة

قدام الحب الصادق اللي بيكن العضو ده لربنا

و اد ايه هو متشوق لرؤياه


هنا بس ابتديت افهم يعني ايه استشهاد

يعني ايه الواحد يموت شهيد في سبيل الله

و يعني ايه حب فلسطين

و مين هما شباب فلسطين

من الاعضاء اللي بردو كان ليهم ذكرى خاصة معايا

ابن فلسطين

الكل مبيعرفوش

لانو ابن فلسطين اللي انتو شايفينو دلوقتي مش ابن فلسطين بتاع زمان

مش عارفه ايه اللي غيرو بس كلنا بنتغير

بتذكر انو كان فيه شات في المنتدى ده

و هو المسؤول عنو

و بتذكر انو مرة من المرات دخلت ليه بطلب منو

و كان رم1ان

و كان ليلة عيد ميلادي

و يومها سالني عن عيدي ميلادي و قلتلو يااااه ده لسة بكير عليه

من كتر ما انا مش مركزة

ة بتظكر انو بعدي اخد بخاطرو مني عشان فكرني كذبت عليه او مش عارفه

و ابو نور

اخوية اللي بحبو موت

كنا عادي انا و هو زي اي عضوين في المنتدى

لحد ما جت امتحاناتي

اعتزلت فيها المنتدى و الاميل و كل حاجة

فضلت اكلمو هو بس

يعني ازاكر و انا بكلمو

و الحمد لله وشو كان حلو علية و طلعت الاولى على دفعتي

مع اني و الله اربعة و عشرين على اربعه و عشرين بكلمو

حصلت ازاي ؟ لحد دلوقتي بسال نفسي

اميلي بعد ما اتعرفت على المنتدى اتغير و قلب مية و تمانين درجة

بقى كلو فلسطيني فلسطيني فلسطيني

يعني مش هقول بس بنات

الكل بيعرف اني بكلم شباب من المنتدى

غيرولي فكرتي عن الشباب بصفة عامة

يعني متال للشباب

عادي

فلسطينيين و فخر فلسطين و كلهم خيرة الشباب

و اول بنات انضافو عندي كانو من المنتدى

بتذكر زمان

كنت طول اليوم قاعدة عالمنتدى

مكنتش بسيبو

من النوع اللي بالكلاس و فاتحة عالمنتدى

بالبيت اول ما بدخل جري عالكمبيوتر و خاصة الاميل

و بتذكر لما كنا كلنا بنتلم في محادتة وحدة

و هات يا كلام

و مبنخلصش

أيام لا تنسى

و نانا

كانت اختي و روحي و كل حياتي

و لسة و الله

بس زمان كنت طول اليوم معاها بنتكلم

حبيتها بل و عشقتها

و كل اسراري معاها

كنت اول ما بزعل

بدخل اكلمها

احكيها

دموعي على خدي و مخنوقة مش قادرة اتكلم و بكتبلها

حتى ساعات مش شايفه انا بكتب ايه عاد ما انا منهارة من العياط

ديما كلامها كان بيقويني

و كان بيشجعني

كنت بحب اناقشها

اسمع منها

استفيد منها

و كانت ديما بتفحمني

هي اللي عرفتني يعني ايه فتح

و يعني ايه حماس

هي اللي خلتني اهوى ابو العبد

و ديما كنا بنتخانق على مين بتحبو اكتر

و على مشير المصري

و عكل اللي في حماس

و على جمال سليمان كمان

لية معاها ذكريات لا تنسى

و كل البنات حبيباتي

فيه بنات مخدوش حقهم معايا

مسمحتلناش الفرصة نتلكم اوي

عندي عالاميل بس مبكلمهمش

و فيه بنات عندي عالاميل و هما من المنتدى بس مش عارفه اسمهم او نكنيمهم

بتذكر بنت اسمها اسيــل

حابة اقلها اني بموت فيها

و عمري منسيتها

و اتذكرت مرة اني كنت بكلم بنت و كنت بحبها جدا

و مرة قالتلي انها غيرت اسمها لزهرة فلسطين

و متتصوروش صدمتي وقتها

زهرة فلسطين ربنا يرحمها عيطت عليها عياط مش طبيعي و أنا فاطكرة اني مبعرفهاش

بس لما اتذكرت انها هي نفس البنت اللي ياما هزرنا و ضحكنا مع بعض

مبقتش قادرة اصلب طولي

ويومها و الله الدمعة منزلتش من عيني عقد ما انا مصدومة

ربنا يرحمها يا رب و يسكنها فسيح جناتو

كمان من الأضعاء اللي اتعرفت على ادق تفاصيل حياتهم

و الشخصية كمان

أحلى رورو

البنت دي لو بايدي ادخل ايدي من الكمبيوتر و اجرها عندي احضنها و ابوسها

من كتر ما بحسها حياتي و غالية علي جدا

ياما اتكلمنا يا سهرنا يا ضحكنا و ياما بكينا

بتذكر لما زعلت من المنتدى

و قالت انها هتسيبو

حسيت انها هتضيع مني و اتخنقت وقتها

و سارة

بنت قمة في الروعه

من النوع اللي مش بيسمح لحد يقرب منو


ممنوع اللمس

بس من بعيد

لما قربت منها و بقينا صحاب حست انها جوهرة و كانت بتدافع عن نفسها من الناس

عشان عارفه انهم قربولها هيأذوها

بموت بموت بموت فيها

و كل ما بتذكرها و بتذكر ايام سهرنا مع بعض بحس بحنين و قلبي بيحرقني على الايام اللي فاتت

بس مش بايدي

حابة اقلها و اقول لكل البنات اللي عندي

سوري حبيباتي

بحبكم كلكم

و مش عاملالكم حظر

و لا هعملكم حظر

لاني مقدرش

بس بطلت ادخل الاميل

مبقاش عندي وقت و حياتي اتقلبت و كلو اتلخبط في بعضو

بدليل اني مش نور اليقين بتاعت زمان

و انتو بنفسكم ديما بتقولولها

بتذكر رد لنسرينا قالت انها اشتاقت لروح نور اليقين

و ان اللي هي شايفاها دلوقتي مش نور

و بتذكر ابو نور لما قال اني قلب و روح المنتدى بس مش بشخصيتي دي

بشخصية نور القديمة اللي بيتمناها يرجع

و بتذكر رد لنانا بتقول فيه انها حاسة انها بتخسرني و هي مش عايزة تخسرني

و بتذكر و بتذكر بس مش بايدي حاجة اعملها غير اني اقرى ردودكم و قلبي بيتقطع عليها و حاسة انها بتخنقني و اقول سامحوني

مش بايدي

كمان محمود

من الناس اللي اول ما دخلت المنتدى

الكل كان بيحبو و اي حد اكلمو يقلي محمود ده سكرة

ده عسل

ده محصلش

و أنا وقتها كنت الوحيدة اللي بتكرهو

اه

بكرهو

كره مش طبيعي

لدرجة كنت ديما بتفاداه

و لما عرض علية الاشراف من نانا مرة و اتنين و تلاتة

و من فجر الحياة كمان

كنت ديما برفضو

عشان محمود

عشان كرهي ليه

بس مرة كلمني

و وقتها بس حسيت اني ضلمة انسان بيستحق كل الاحترام

و من وقتها

ليه معزة خاصة عندي جدا

و بعتبرو من معزة ابو معاذ و عاشق الحور

و سيد الظلام

كابتن قلق

من الأعضاء القليلة جدا اللي قدرت تتبت ذاتها في المنتدى في فترة وجيزة

مشاغب بس شغبو حلو

و على عكس ما الناس كلها فاكرة

على نياتو و بريئ كانو طفل

بحبو جدا و بتمنالو كل خير

كمان جيفارا نابلس

اول رد ليه كان في موضوع بعتقد منزلاه الوردة الحمراء او مش فاكرة بالضبط

و كان عندي

فقال كلمة بصراحة خلتني اقول مين ده ؟ هو فاكر نفسو مين

قال بطريقة استهزائية ’ يلا ’ خلينا نطلب ايدها مدام كل هالصفات فيها

او مش فاكرة ايه

بس بعدين حسيتو بيشبهني في حجات كتيرة

و فهمت شخصيتو

و لما عرفت انو مش عربي او بالاحرى مش عايش ببلد عربي الا سنين قليلة تعد على اصابع اليد الواجدة

و ازاي انو شاعر كبير و متمكن من اللغه العربية

حبيت فيه حبو لعروبتو و لفلسطين

و أشرافو

ياه على اشرافو

يا سلام على اشرافو

عضو قديم

قليل دخولو بس لما بيدخل بيسب بصمتو

بيسيبك تفكر في ردو او في موضوع لحد ما يرجع يتحفك برد او موضوع تاني

و غالبا ما بيكون رد

لانو مبينزلش مواضيع كتيرة

بهوى اسلوبو و طريقة حوارو و افكارو

تفكيرو راقي جدا

بحسو صحفي كبير , مثقف

و لا يمل من سماع او قراءة ردودو

و كان فيه عضوة اسمها ريمة على ما اعتقد

كنت بحب احضر نقاشاتهم مع بعض

بحس قطبين كبار اجتمعو و بيتناقشو عن دراية في امور مهمة و شاسعه

بتحس انك بتحضر محاضرة او برنامج تلفزيوني

و رأفت

عأد ما هو طيوب عأد ما دمو خفيف

بس خفة دمو اكتشفتها بس في رمضان اللي فات

في الخيمة الرمضانية

عشان زمان كنت ديما بشوفو في مواضيعي بالعام

و كنت برضو بحسو بيتابع مواضيعي و معجب بيها

فكنت على طول بترقب ردو

هيوقل ايه و هيعلق بايه و يا ترى هل رموضوعي هيعجبو و لا ايه بالضبط

و بو هبة

برضو عضو قديم ما سمحتش الظروف التوجيعية على قولتو للاعضاء الجدد يتعرفو عليه

البشمخندس

اخوية الصغير

بس بحسو كبير و ناضج

و بشوف فيه الابن البار بوالديه و مش عارفه

حاسة ان اهلو رضيانين عليه و فخورين فيه و متعشمين فيه حاجات كتيرة

و انا واتقه انو مش هيخيب ضنهم

عأد ما هو انسان ناجح و يعتمد عليه

و أحمد اكس

يا الله عاحمد اكس

مرة اتهمني بالفلسفة

و مش مرة و لا اتنين

عأد ما كنت بحب اتناقش

و اتحاور


الحاجة اللي الاعضاء الجدد مبيعرفوهاش فيه

زمان كنت مبسكتش

و اي موضوع في قسم النقاشات الجادة اللي هو الحوار الحر حاليا

مكنتش بسيبو الا و انا منزلة فيه تلات اربع ردود

و بناقش باستماتة

و كل رد عبارة عن جريدة

بس ده زمان

دلزقتي كلمة و كلمتين و ده اصلا لو لقيت وقت عشان انزلهم

بس بحب اقلو هنا

انو مش الوحيد اللي بيقلي كده

كمان صحابي بيقولو عني كده

كل ما آجي اناقشهم يقولولي يا بنتي انتي بفلسفتك دي مبتخليش حد ياخد منك لا حق و لا باطل

اما شلة حسب الله

لولو و ميمي و حنو و محبوبة يبنا

و طبعا لولو مؤخرا

حبيتهم حب مش طبيعي

بس كذا مرة خذلوني

كذا مرة خلوني احس اني و لا حاجة عندهم

كذا مرة صدموني

و كذا مرة خلوني اشك في الصداقة اللي بنا

مرة زعلت و سبت المنتدى

مسألوش عني فيها

و لا كانهمعرفو عضوة اسمها نور اليقين

حرقولي قلبي بجد

لاني وقتها كنت بفوت بعضوية تانية

اسمها دموع الحيارى

وقتها ميمي عرفت اني انا

حبيت ده لانو على الاقل ده معناه انها عارفاني و عارفه سلوكي و طباعي

بس عمري منسيت انهم تجاهلوني

كذا موضوعي نزل بغيابي

واحد متلا نزلتو نهال اللي غايبة عننا

نهال البنوتة الاكبر من سنها

نهال اللي شايلة مسؤولية اهلها

المصرية الجدعة الشهمة

اللي يا رب ترجعلنا بالسلامة

موضوع نزلتو عشان الاعضاء يقولو رايهم فيه


اصلا اغلب الاعضاء مدخلوش

بس الشلة دي كانت بتدخل الموضوع تقرى الردود

من غير ما تتعب نفسها و ترد فيه و لو بكلمة

مش ضروري تكون كلمة حلوة

اشتموني سبوني بس عبروني

مش هما بس

كمان انجيلا و فجر

و ده حرقلي قلبي

من كتر ما انا بحبهم

خاصة ميمي

بتذكر اني مرة قلتلها بالهزار تفوت الموضوع و تقلي رايها

دخلتو و مردتش فيه

يااااه يا ميمي وقتها قلبي وجعني اد ايه

بس ديما بنسى و بسامح

مع انها تكررت كدا مرة

انا من النوع اللي مبقرصش مع حد لما وقتي بيسمح

و حتى لما مبيسمحش

مبقصرش مع حد

و انتو شايفين بنفسكم

اعرفك او ماعرفكش

لو لقيت فرصة افرحلك

ابسطك

مش هقصر

فبحب الاعضاء يعاملوني زي ما بعاملهم

اي موضوع من النوع ده لما بينزل عنهم بدخل بكتب جريدة و بعبر بصدق و من كل قلبي

بس هما طنشوني

بس انا مسامحاهم

لان المنتدى كلو عمل معايا كده

حتى في موضوع استقالتي

نزلتو بملتقى الاحبة

و كان موضوع وداع مش استقالة

الكل بيدخلو و بيخرج

و ياه وقتها اد ايه عيطت

لاني حاسة المنتدى مش مجرد اعضاء

حساه اهلي بيتي عيلتي

و اي تفاصيل مهما كانت صغيرة بتفرق عندي

بس بعدين رجعت و اتعلمت افصل

اتعلمت اني ادخل هنا عشان ابسط نفسي و ابسط الاعضاء من غير ما استنى منهم حاجة

لاني اصلا مش هاخد حاجة

من بين الاعضاء اللي ليهم معايا ذكريات حلوة جدا

مؤيد

الخليلي الاصيل

و من لا يعرفه

انسان رائع رائع رائع

بحب اسلوبو بل بعشقو

و في غيابو عن المنتدى حسيت بفراغ شاسع و كبير جدا

و بجد الحمد لله انو رجع

دمو خفيف بشكل مش طبيعي

بتحس هزارو ذكي

و ياه عايام زمان هو عاشق الحور نشووووووووو و قمر الخليل

كانو عيوني بيدمعو من كتير الضحك

بحبهم و بحب شغبهم و مشاكستهم

بس الظاهر عقلو و بطلو

او بالاحرى

الظروف سلبت منهم بسمتهم و فرحتهم بالاهداءات زي زمان

و هما مش الوحيدين

كلنا كده

و هلين

عضوة لما اتعرفت عليها اكتر حبيتها

و حبيت اتقرب منها اكتر

بس صدمتني هي كمان زي باقي البنات

و خذلتني

بقول خذلوني عشان كنت متوقعه منهم على الاقل زي اللي انا بعطيهم

بعطيهم حب

ادوني حب

بعطيكم اهتمام

اعطوني اهتمام

بتذكر لما سابت المنتدى

فضلت معاها لحد ما خليتها ترجع المنتدى

فضلت وراها لحد ما خليتها تتصالح مع اغلىة بنت عندها

نانا

و بالمقابل

طنشتني

و زعلتني منها

زعلتني عشان سوء تفاهم كان حصل

انا لو مكانها كنت هحاول اوضح الفكرة عشان اشيل اللبس و امحي سوء التفاهم ده

بس هي محاولتش

اتبتتلي اني مبهمهاش

او اني مجرد نكنيم بيعمل جو في المنتدى و زعلو حاجة مش فارقة معاها

زعلت بس بعدين امتصيت زعلي و قلت عادي

الناس كلهم كده

في فترة كل بنات المنتدى

كانو بالنسبالي كتلة نفاق متجسدة

بحاول اتفاداهم

طفشت من الاميل عشان ما اكلمهمش

ناس تانية كانت بتقلي مادامهم كده احذفيهم

بس مكنتش قادرة

بحبهم

حتى لو هما محبونيش


كنت كتير بقول هنا ان فيه ناس مبتحبنيش

و الكل كان بيضحك و يقلي انتي ؟

انتي في ناس مبيحبوكيش؟

الكل فكرني دلوعه و بتدلع

بس و الله الكل ليه معايا مواقف وحشة

و المشلكة

اني مش من النوع اللي بيسامح بسرعه

و ابدا ابدا مبناس حد غلط معايا

و لو غلطة بسيطة

تقدرو تقولو بحقد

بس مبحاولش انتقم


و مع الوقت ببطل حاقدة

بس بتفضل ذكرى سودة

و العضو ده بيخسرني

خاصة لو غلط نفس الغلطة كدا مرة

بس برضو لما حد يعمل معايا حاجة صغنونة اوي حلوة

بشيلو فوق راسي

و بغفرلو كلو ذنوبو معايا

لاني بجد قلبي طيب

و كلمة حلوة بس الواجد يقدر يكسبني

و يدخل قلبي بكل سهولة

كنت اول عضوة مغربية تسجل بالمنتدى

و بصراحة مكنتش حاجة سهلة

كان فيه اعضاء كتير معترضين عالمغرب

و يا ريت كانو بيتحفظو على اراءهم

بالعكس

كانو بيقولوها بصوت عالي

من غير ما يهتمو بمشاعري و لا احساسي هيكون ايه لما اسمع كلامهم ده

بتذكر عضو اسمو ايجل اوف بالاستين

بحبو بصراحة و بتمناه يرجع المنتدى

عمرو 13 سنة بس لسانو اكبر ممن عمرو

عادي

طفل فلسطيني الحرب و الظلم نسوه طفولتو و سلبو منو براؤتو

قالي انتو في المغرب مش حاسين بينا

و مش وراكم غير الاكل و النت و التيفي و النوم

و انتو كلكم يهود و الاسلام و المسلمين متبرئين منكو

و انتو كلكم سحخرة و السحر الاسود لعبتكم

و كل البلاوي اللي في فلسطين بسببكم

و كلام بيقهر

بيموت
مكنتش عارفاه طفل عمرو اربعتاشر سنة

انقهرت منو و رديت عقد ما بقدر

و طبعا نانا هي اللي فهمتني طبيعه كلامو و ازاي انو بس بيحاول يضحك و انو لساتو طفل

عشان كما العادة

نانا هي المنفذ الوحيد لية في زعلي

كمان ابو يقين

الطفل الكبير

برضو اكبر من سنو بكتير

كان حاطط في عمرو سبعتاشر سنة و كنت بقول عنو اكبر من كدة بكتير

فتصورو صدمتي لما اعرف انو اربعتاشر بس مش سبعتاشر

كان زي ابني

و كان ديما يقلي يمه

و كان مولوه بناجي العلى

و هو اللي عرفني بيه و بحنظلة و فاطمة

عندو دراية فظيعة بالموضوع ده

و بحياة ناجي العلي و نضالو و كل تفاصيل حياتو

بتذكر كيف كان يبعتلي مجلداتو عنو و عن حياتو و رسومات الو

و بتذكر لما عملو حفلة في المدرسة و مثل فيها كيف كان طاير من الفرحة

و جه يجري عالمنتدى و عالاهداءات يقلي تعالي يا مه شوفي ابنك شو عمل بالمدرسة

و لا يوم عيد ميلادو

بعتلي رسالة خاصة بيقلي هيك ما بتعايديني بعيد ميلادي

و الله وقتها كان عيد ميلادو الاربعتاشر

حبيتو كتير كتير

و مشتاقالو موت