[امير القوافي]

المشاركة الأصلية كتبت بواسطة nano السلام عليكم ورحمة الله وبركاته ..
كيفكو شا شباب ..
انا فلسطينية .. ولكن مقيمة في سوريا ( يعني احنا جماعة ال 48)

جايتكو طالة .. لا تردوني خايبة ..
يعني هاي اول مشاركة الي وفيها طلب وطمعانة فيكو ...


الفكرة ومافيها انها خلال هالفترة عندي اعراس كتير وكلهن بكونو قريبين كتير علي .. يعني خالي وخالتي واخوي وعمي وبنت خالتي ( عقبال عندكو)

القصة ومافيها اني حابة اعمل شي مميز بهالاعراس .. وحابة اضيف لمسة فلسطينية قح فيها ..
يعني بدي منكو مساعدة لتقولولي شو ممكن اعمل .. بدي اغاني فلسطينية خرج ااعراس ..

بدي المهاهات اللي بهاهوها النسوان وقت العرس وبدي اياها فلسطينية قح .. وينذكر فيها اسم العروس والعريس او اخوات العريس او ايا كان ..
مممم

طبعا احنا بنعمل هون حمام وتعليلة للعريس .. ما تقولولي عنن

بس انا بدي شي ينعمل بحفلة النساء .. يعني فوتة العريس على انو غنية .؟ شو المهاهية اللي خرج الواحد يحكيها للعروس والعريس ..

ناطرة منكم مساعدة عاجلة جدا لان اول عرس بعد 10 ايام .. وانا عندي امتحانات .. فالله يرضى عليكم عجلو وساعدوني بافكار حلوة ..

وبكون ممنونة الكوووووووووو


سلامااااا

يسلموا على الموضوع