[زهقانة انا]

بهادا الشعاار بدأت حملتنااا

الي كان الهدف منها الوحدة و عودة اللحمة للبيت الفلسطيني



كان التاريخ 7_2 الموافق يوم الخميس



والحملة اشتركت فيها خمس مؤسسات

وهي

1_ صناع الحياة(انا كنت معهم)

2_ شارك الشبابي

3_غزة للصحة النفسية

4_جمعية الوداد للتأهيل المجتمعي

5_ المركز الفلسطيني للديمقراطية وحل النزااع


طبعا والحمد لله لقينا تفااعل كبيير من الناس

اعطونا بوسترات وكابات للحملة

ولزقنا البوستر على المحلات والسيارات

والناس شجعونا كتيير

لدرجة انو بعضهم سابوا مشاغلهم واخدوا طقية الحملة الي مكتوب عليها الشعار

وكملوا معنا المسيرة للاخر

ورفعوا شعارات معانا

انقسمنا ل 4 مجموعات

كل مجموعة في مكااان

وكل مجموعة كان معها جزء من العلم الفلسطيني

وبالاخر تجمعنا كلنا بالجندي المجهوول

وجمعناا العلم ولزقنااا ببعضو بعد ما كان مقسم لاكتر من جزء

وضلوو الشباب حاملينوو ورافعينو طول الوقت

وبعد هيييك تلوو البيااان واعلنا تأسيس

((التجـــمع الشبـــابي الفـــلسطــيني))

تحت اسم

فلسطين واحدة للجميع

هسيبكوو مع الصور انا صورتها بجوالي

انا ندمت اني ما جبت كاميرا الديجتال معايا

لانو للاسف

فاتتني لقطاات كتيير ما صورتهاا




الله يحفظها كانت معنا من اول الحملة لاخرها وما عيطت




هدول الاولاد جننونا من اول ما بدينا نلزق البوسترات

وكل شوية يسألونا انتو فتح ولا حمااس

شرحنا الهم انو لا فتح ولا حمااس

وانو هدفناا الوحدة

وحكينا الهم وين رايحيين

وضلهم معناا للاخر ولزقو البوسترات على اواعيهم

زي ما انتوا شايفين






هاي البوسترات الي لزقناهم على السيارات والمحلات




وطبعاا سيارة التنفيزية كماان وسيارات شرطة المرور

كان الهم نصيب من هاي البوسترات





والصوور الجاية هتكوون للناس الي عجبتهم حملتنا واجوا معانا


















الصوور الجااية هتكوون صور العلم وهو مقسم وبيلزقوا فيه








وهااي الصوورة وهما بيتلو البياان





طبعاا عندي صور تانية كتيير

بس تغلبت كتيير وانا بنزل بالصوور عشان هييك اكتفيت بهدول

انا لسة ما خلصت الكلام الي عندي

بس بكتفي بهادا القدر لاني طولت كتيير عليكم

بتمنى اكوون وصلتلكم الصورة مزبوط