رد: مصادر:الكيان الصهيوني يخطط للقيام بعمليات إرهابية بسيناء لإجبار مصر على عزل غزة
ولله يا أخ مؤيد أسلوبهم صار واضح وضوح الشمس يعني الولد الصغير صار يعرف حركاتهم الي أقل شي ممكن أحكي عنها أنها وضيعة
هلأ أصلا مين ورا كل العمليات الارهابية بالدول العربية غير اسرائيل وامريكا ... وهدفها الأول والأخير من هيك عمليات هو أن نوجه نحن كعرب أصابع الاتهام لبعض ... والمشكلة أني أحيانا بحس أنه نحن شعب ساذج جدا وعم بسيرونا نحن كدول عربية زي ما بدهم وحسب مصالحهم وما منقدر نشوف لأبعد من أنوفنا
متل ما قتلوا رفيق الحريري واتهموا سورية بقتله بس عشان لبنان يسكر حدوده مع سورية ويطلع كل السوريين من لبنان ... وطبعا الشعب اللبناني صدق هالأكذوبة التي كان وراءها اسرائيل مجددا وأمريكا ... ويتذكر منيح أول الشي عملوه الشعب اللبناني أنه طلع مسيرات مناهضة ضد سوريا ورئيسها .... ولسا الأعمال الارهابية بلبنان مستمرة ومين سببها؟؟؟ ومين أله مصلحة بهالشي؟؟؟ أكيد صرنا كلنا عارفين مين وليش
وهلأ نفس الشي بدهم يعملولهم ضربة بمصر عشان مصر تتهم الفلسطينيين فيها وللأسف بكرة تصدق هذه الكذبة كالعادة
شكرا أخي مؤيد على الطرح الرائع
تحياتي
|