رد: الحبيبة الرومانسية
تنــهدت يوم الوداع وتنهدت
وازرت يـميني لاتفارق يمينه
ناظرت في ليـل العيون وتاكدت
ان المشاعــر في يدينه رهينه
قلت الوفا راس الغلا كاني ابعدت
حذراك حب العـــمر لا ترخصيـــنه
ابيك تذكر غرشة الـــعطر لا عدت
وابيك حتى معـــطفي تــذكرينه
وابيك تذكر لهفتي يـــوم رددت
باسمك وقلت القلب هــده حنينه
قالت وربك مع خــــفوقي تعاهدت
ما انساك لين العمر تذبل سنينه
باذكرك واذكر يوم جيت وترددت
ودك تبوح وخفت قلبك تــــهينه
وباذكر عيون(ن) في بحرها تجردت
على ضفاف الموج وانت السفــينه
ليتك حبيبي في رحيلك تركــــدت
وخليت قلبي يستلذ بظنيــــــنه
قلت العفو حان الوداع وتنــهدت
غصب(ن) يميني تبتعد عن يمينــه
|