[ريما فاهوم]

طيب انا صاحبه الموضوع مش لازم اشارك..طيب رح ابدي راي بكل حرية وبدي اسمع رايكو بارائي ورايكو الشخصي

انا صراحه الدبلجة بحق الانمي ناروتو بقول 010

الاصوات بيخوها..التقطيع بيخوها..التحريف بيخوها..تحريف حب ساكورا لساسكي بيخوها(احلى شيى بالانمي)

صوت حبيب قلبي جارا بيخوه..لما سمعت الصوت قلت وين هلصوت ووين صوت المؤدي الياباني ووين واصل هلصوت لشخصي شريري

وقطعو تقنيه شقيق جارا(يا جماعه بنسى اسمو شو زنبي)

بس عجبتني صوت تيماري(ياااه ما احلى صوتها والله احلى صوت بالانمي)

اما صوت هيناتا يا حبيبت قلبي بالياباني ماشاء الله صوت رقيق مافي انعم منو اما بالعربي بنقولش غير الله يرحمك هيناتا على صوتك القديم @___@

ولا صوت هاروكا لأ صار صوت توغو موري..لما افكر بهلشيى بقعد اضحك حتى الموت

بس الوحيد الي عجبني بالدبلجة انها ماحرفت انو هاكو ولد..يعني كنت مفكري رح يقولولو بنت كان رحت فجرتن

وكرهني بالدبلجه انن قطعو كل معركة عنيفي لانها مره تجنن لأ عشان خوفن على الصغار..طيب شو كنو هلانمي للصغار

وللاسف قطعو لقطه لما يجي الختيار(نسيت اسمو بس هوي رئيس عصابي)بيروح بيمشي قدام هاكو الميت وبيحط العصاي عليه

هون ما عجبني لما قطعوه(بظن قطعوه..مش متزكري)بس بتزكر اني ماشفتهاش

وكمان صوت ناروتو لا لا لا لا..صوتو بالياباني حلو صحيح انو مؤدي الصوت بالياباني بنت بس اكيد كان رووعه

ولا ساسكي يع صوتو خرعت منو وحسيت اني بدي انجن وانفجر..لو شفتو شو عملت لما سمعت صوت ناروتو رحت خبطت راسي بالحطيت وكان ايتاي(مؤلم)

في كتير سلبيات بالدبلجه بحس كاني عم بشوف قصه ناروتو جديدي..وين اليابان لما يعرفو هلاشياء كانو راحو فجروها

وصراحه انقهرت لما حرفو بعض التقنيات متلا تقنيه النايجوتسو خلوها تقنيه الانف النازف..هههههه شو هلغباء

ولا تقنيه السراب او السراب المتعدد..عنجد صراحه بيخوها فهلاسم وبالاخص الانف النازف..قال لايجب العبث بانوف الناس قال

ولا اسم هوكاجي خلوه الشهاب..شو خص الشهاب باسم شخص يعني كلامن هدا وكانن بشبهو الهوكاجي الثالث بشخص ذو القوه الخارقه

وطبعا هوي قوي بس كلمه الشهاب هي كلمه حجر من الفضاء والكل بيعرف انها قوي فحرام يقولو هلكلمي لانها معروفي عند الكل وهوكاجي مش اسم عاطل

اهههههه ايتاي لقد تعبت كثيرا..الاهم انني خرجت كل الي في قلبي..في كمان بس مابدي ازعجكو

وأسا لازم اعرف رايكو بالدبلجي وبنسبي للتقيم بدون اي شيى زيادي بقول 0%