[ملكة الإحساس]

وعليكم السلام ورحمة الله وبركاته


كل واحد يكتب البلد الي مغترب فيها ..

المملكة العربية السعودية "الرياض"


وشو رأيه فيها " عيوبها وحسناتها " ؟

مدينة عدية زي كل المدن .. الحياة فيها عادية .. ما فيها شي مختلف
من عيوبها .. انو هون كتيير بيمنعوا حرية المرأة .. وكتيير اشياء ما بيسمحوها ..
وكمان الشباب .. بحسهم هون كتيير مضغوطين .. يعني ما بصحلهم كتيير اشياء ..
متل انهم لو بدهم يروحوا مكان عام ما بيئدروا .. لأن الأمن ما بيسمحولهم بالدخول الا ادا كانوا مع عائلتهم
وكمان هون المعاملة مو كتيير منيحة .. " مو الكل " بس في ناس عنصريين بشكل مو طبيعي .. وبيحتقروا الناس اللي مو من نفس جنسيتهم ..
خصوصا لما كنت بالمدرسة .. كان عنا التعامل مو واحد .. وكتر الحكي اللي كنت اسمعوا ..
اشياء ما بتتخيلوها ..على اختلاف ناس تانيين بكونوا كتيير كويسين
وطبعا من فترة نزل نظام جديد اللي هوي نظام السعودة .. والله يعين اللي بيشتغلوا مع الحكومة .. عنجد اللي ما الوا عملوا الخاص بيضيع مع كتيير أنظمة مو عادلة ..
...
من حسناتها ..
الحمد الله على كل حال .. كل شي هون موجود .. والحمدالله انا مرتاحة هون ..
عندي كتيير صحبات .. وكمان النا كتيير قرايب ..

وهل بيشعر بانتماء لهذه البلد سواء كان مغترب للدراسه او العمل ؟

والله هو مو انتماء .. بس لما بسافر لبرة بحن كتيير للمكان اللي عايشة فيه .. وللناس اللي بعرفهم ..
وشي طبيعي .. انولدت هون .. ودرست .. وخلصت المدرسة .. وهلأ بالجامعة
ومع العمر هدا كلوا اكيد بكن المشاعر

وشو الاشياء الي بحس بنقص فيها وبفتقده بالبلد الي مغترب فيه ؟

طبعا اكتر شي بفتقدوا هوي الوطن اللي انا جاية منوا " فلسطين "
يعني صحيح اني مولودة هون .. ومن زماان ما رحت لفلسطين .. بس بحب وطني .. وبتمنى انوا الأوضاع تتحسن لحتى اروحها .. وبفتقد كتيير قرايب عايشين بفلسطين
وان شالله بترجعلنا فلسطين ونحنا بنرجع نعيش فيها .. زهئنا غربة وطولة بال


....

يسلموا Pink Rose ..