[صاحبة القلم الحزين]

نـــــور اليقين


مش بحاجة أقلها شو هي بالنسبة الي


لاني متأكدة انها بتعرف مكانتها بقلبي


بس يمكن معظمكم أو كلكم ما بيعرف شي


و لما تشوفوا انه " نور اليقين & صاحبة القلم الحزين = :: توأم روحي :: "


مش الكل بيفهم هالعبارة او بحس فيها


عشان هيك بدي أقلكم القصة


بيوم من الأيام،،


في أول ايامي بالمنتدى


حطيت ايميلي لثواني في المنتدى حتى تاخده عضوة كانت معنا


الله يسهل عليها /// دعاء اذا قرأتي هالكلمات بدي أقلك اني احبك بالله


المهم


في هالثواني


نور اليقين،، أخدت ايميلي


و حكتلي انها راح اتضيفني


انا انبسطت جدا لاني عضوة جديدة و حد اهتم فيي


ضافتني نور اليقين و حكينا بعد عناء و جهد جهيد // متذكرة نور؟


شوي شوي بلشنا انلاحظ شغلة غريبة جدا


انه نحنا كتير بنشبه بعض


أفكارنا،، مواقفنا،، شخصيتنا


و كتيير شغلات


حتى لما نمرض بنمرض سوا


أنا متأكدة انه كل اللي بيعرفوني منيح و بيعرفو نور اليقين


مش راح يلاقوا هالشبه الكبير بينا!!!


و اكتر من مرة ناس حكولي انه انا و اياها كتيييييييير غير عن بعض


بس معلش،،، مش مهم ايش هم شايفين


المهم ايش احنا شايفين و حاسين وفاهمين


و من يومها لليوم


نور اليقين و أنا = توأم و أعز كمان


مع انه هي بالمغرب و انا بفلسطين


بس الله وحده بيشهد ايش بتعنيلي هالبنت


و لا عمري تخيلت انه راح تكون عندي صديقه من المغرب


و مع ذلك،،


لما تعرفت على نور اليقين


عنجد صرت احس انه المغرب شي بيقربلي.. اشي الي


بلشت اتعلم مغربي،، اسال عن كل شي هناك


حتى اكون اقرب و اقرب لصديقاتي هناك


*****


نور اليقين


بكفي يمكن هالقد


ما بدي أطول كتير


لانه مش قادرة أكمل


بس بدي اقلك كلمة اخيرة


لما تفكري تبعدي عن كل شي بالنت


عن الايميل و عن المنتدى و عن كل شي


تذكري انه ورا هالشغلات في انسانه


الها قلب،،، و حبتك من اعماقها


و انه من حقك تبعدي عن النت،،


بس ابدا مش من حقك تبعدي عن قلب ما بيتمنالك الا كل خير





ديري بالك على حالك

....



...




..




.



..




..




" أنا أنت أنت أنا "