رد: :: للمغتربين .. اتفضلوا وفضفضوا ::
أنا مغتربة بالامارات ...
الصراحه هي بلده حلوة
و انا بحبها
بس كمان ما بشعر بالانتماء الها
لانها بتضل مش بلدي
اهل البلد طيبين و مناح كتير
بيكفي انهم عرب و مسلمين
بس في منهم مرات بيدايقوني او بيحسسوني انه انا انسانه غير مرغوب فيها ببلدهم
طبعا مو كلهم
قليل منهم هيك ...
و بالمناهج الجديدة صرت ادرس ضد نفسي بمادة التربية الوطنية ...
دروسنا اغلبها عن مكافحه العماله الوافده ...
و مكافحه الوافدين ...
بس كمان هي بلد كتير حلوة مع انه مافيها شتا كتير
بس فيها دين يعني الناس اللي فيها كتير منهم متمسكين بالاسلام ...
و الحاله الاقتصادية هون منيحه
كمان في امن و استقرار و الحمدلله
بحب هالبلد أنا كوني انولدت فيها و عشت فيها طول عمري ^^
بس اكيد بتمنى ارجع لبلدي
اللي ما حدا راح يقدر يذلني فيها و يحكيلي انتي ببلدنا ...
و بموت بفلسطين
بتمنى ع الاقل ازورها
او المس ترابها ...
الله يفرجها علينا يا رب
|