[تحـ البشر ـدوهـ]

اوكي بسم الله نبدأ

*من أنت ؟ ومالذي تفعله هنا ؟

انا شاب ينتظر الخروج من فلسطين بغرض التعلم في الدول الاخرى لعدم توفي التخصص المرجو

*لو ظهر في داركم بئر نفط ... هل ستخبر الدولة أم لا؟

والله صليلي عالنبي .... هاد شي بيعود عالدولة .... فاذا كانت الدولة صالحة ... وكنت واثق انه فلوس هذا النفظ راح ينتفع فيه بلدي .... فممكن افكر اني اخبر الدلة .... ولكن اذا كانت الدولة مش ولا بد .... فليش اخبر واتعب حالي ؟ ... مهم المصاري ريحين عالكروش رايحين .... لا والله كرشي اولى ههههه

*لو قدر لك أن تدخل السجن فماهي القضية التي تتمنى ان تدخل بها إليه ؟

يا لطيف تلطف .... لو قدر لي .... مش راح اتمنى اني ادخله .... لكن لو خيرت .... راح اختار ( مؤامرة انقلاب عالرئيس ) لانهم اليومين هدول فش رئيس ساغ سليم .... مع احترامي للكل

*أنت مكلف بحذف حرفين من حروف اللغة العربية .. أيهما ستختار ولماذا ؟

هو مفروض اضيف مش احذف ههههه بس لو قدر واخترت الحذف راح احذف حرف ( الميم ) لانه اول حرف باسمي ... وحرف الـ ( السين) لانه اول حرف باسم هالشخص .... والسبب لاني نفسي كون بعالم تاني انا وهالشخص .... لحالنا .... ما حد بيعرف عنا شي .... لدرجة انه ينسو اسامينا لا ويلغوا حروفنا من اللغة العربية .... وفي كمان سبب .... اني بغار على هالشخص .... بغار حد بحمل حرفه ويعشق حرفه .... ههههه لا تضحكوا علي الغيرة دارجة في الاسلام . هههه .



*في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟

مممم حسب الظروف .... فلو كنت بوسط حرب راح ارمي القنبلة والوردة واشرد ههههه

ولكن لو كنت بالبيت .... راح استخدم القنبلة لنفس الغرض يلي انصنعت من اجله ..... واستخدم الوردة لنفس الغرض يلي انصعت من اجله كمان .... بس هالمرة راح اعطي الوردة لوالدتي .


*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

برئيي انا .... الكتابة تخفيف عن الهموم .... وتوصيل فكرة للقارء من الكاتب .... حسب نوع الكتابة .... ولكن كتابة الاشعار شيئ ثاني .... باعتقادي انه الاشعار عبارة عن حساة اخرى .... وعالم تاني ..... شي بياخدك لبعيد .... بس متل ما تفضلت وحكيت .... انه حلم مو حقيقة



*بجملة واحدة فقط أكتب تعريفاً لكل كلمة من الكلمات التالية:

الوطن : هو الام .

الأم : هي الوطن .

الليل : هدوء ... سكون ... متعة ... احساس ... جمال ... اعتقد انه هاي الكلمات تدل عالرومنسية كمان ( فهمتوا أصدي ) هههه

الحب : اكبر واصغر مواجهة ... واصعب واسهل رحلة ... واجمل واقبح موقف .

الصمت : علامة الرضى هههههه .... لا لا الصمت دلالة للذكاء .

أمريكا : اول ما اسمع اسمها بيركض أدامي شريط مكتوب عليه ( صعب المنال ) ههههه

المرأة : شيئ عظيم .. ام .. اخت .. روح >>> شرف .. كرامة .. حب .. وطن ( ما اعتقد انه في شي اعظم من هيك )

الإنترنت : دخول الشبكة هههه لا لا الانتر نت عبارة عن متعة وترفيه ومعلومات ( للناس الفهمانة ) ولكن ... دمار وفساد وتظيع وقت ( للناس الشيكا بيكا ) هع .

البوابة : اصدك بوابة البيت ولا الجامعة ولا المتصفح ؟ هههاي ( اعذرني مش فاهم )

الماسنجر : بداية ونهاية علاقات .


*على افتراض أن كائناً أتى من المريخ ووجد أمامه صحيفة ، برأيك كيف سيعرف أنها صحيفة عربية؟

اذا وجد جرف (الضاد) هههه انا عارف عنه يحفض حرف (الضاد) وينزل هههه

*كيف تتخيل العالم دون هذه الأشياء ( القهوة ، الكمبيوتر ،، أمريكا ، يوم الأربعاء) ؟!!

القهوة : بتكون شيئ فاخر عالاخر ههههه محلالي الدني من دون قهوة كيف اصحى ؟ طيب شو تحكيلي امي لما بدها تصحيني ؟ جهز الشاي ؟ ما بحبه هالصبح .... مش عارف كيف بتكون ... اكيد ملل

الكمبيوتر : عادي جدا المصانع راح تشتغل عمال ( بيقل نسبة البطالة هههه ) وراح يكون صعوبة كبيرة جدا بالحياة ... لانه اسا كل شي بيعتمد على الكمبيوتر .... المواصلات كمان .... والارسال والاستقبال ... وبالتالي البلفونات ( الجولات ) يعني كل شي راح يكون صعـــ جدا جدا ــب

امريكا : لو راحت امريكا راح تيجي غيرها .... يا اخوان الدني مو خربانة منشان امريكا..... لا لا .... الدجني خربانه لانه احنا خربانين .... ولأنه احنا سمحنا للي بيسوى وللي بيسواش انه يعمل فينا هيك مع احترامي للكل .

يوم الاربعاء : دخيل ربك شيلوا يوم الاربعاء هههههه عندي تست سواقة وخاااااايف هههههه


*اختر منصباً واتخذ قرارا ! ؟

رئيس دولة

امحوا النسوان ههههههههههههههههههه ( مع احترامي لكل البنات هون بمزحو حياتكم بمزح ) هع

لا لا بأتخذ قرار .... ان تطبق الشريعة الاسلامية بصدق ( عارفين شو معنات بصدق ؟ .... يعني متل ايام الرسول عليه الصلاة والسلام ) مو متل ايامنا بناخد الدين من اخره ( اسف هذا هو الواقع ) .... كمان مع احترامي للكل .



*عاد المتنبي وقصدك لتبحث له عن عمل ، ماذا ستقترح عليه ؟

بشغله عندي .... هههههه بموت عاشاعرة منشان هيك بشغله عندي .... او بستخدمه كشغل لالي .... فهمتوا اكيد


*يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن !

ما تقول أنت ؟



يا جماعة شو نفع التسلط ؟ ..... اسا لو كنت انت ساجن عصفور طول عمره مسجون انخلق بهالقفص كمان
... شو راح يسوي لمن تعطيه الحرية ؟ .... راح يطير ويطير .... وبالاخر يموت لانه مش راح يعرف انه في شي اسمه البقاء للاقوى ( قانون الغاب ) ..... اكيد الكل فهم اصدي


*لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا ؟

اللي خترع كتاب الرياضيات هههههه ..... انا عمري ما حقدت عاحد .... منشان هيك ما باخد احد هههه


*أختر خمسة أعضاء من المنتدى وامنحهم ألقاباً ؟

انا جديد عالمنتدى
لكن راح اختار .... لاني بعرف الشخص من اول كلمتين معه .... هذا انا هههه

Sms : بدأ يشارك هههه لا لا .... شب كله ذوق .

الصمـ رفيق الصحراء ــت : المش فارقه معه العالم هههههه .

بسكوتة : قمة التفائل .

ساندرا : صدٌيقة .... بتشديد الدال وكسرها .... هيك انا بعتقد


*وجه رسالة لشخص لا يعرفه إلا أنت ؟

بحبك ههههه


*ما هو لون النسيان؟

اجمل لون بحبه انا هو اللون الازرق منشان هيك بعطي النسيان هذا اللون .... لانه هو اجمل شيئ خلق في ذاكرتنا... أصلا هو راحة في زمن فقد فيه الطفل امه .



اتمنى اني اكون ما اسأت لأي شخص .... او احرجت اي شخص



تحياتي
...
..
.
ت
ح
د
و
هـ