[ثائر المحسيري]

مرحبا أخواني
بصراحة انا مش شايف فيها شي انهم يفتحوا كنيسة وزي ماقال اخوي يمكن المشكلة انها أكبر كنيسة بالشرق الأوسط
واذا بدنا نمنعهم يفتحو كنيسة ببلادنا العربية ماحدا يلومهم لما يمنعو بناء المساجد ببلادهم واذا انت بتحكي هاي بلادي كمان هم بحكو هاي بلادنا ومن حقهم يسوا اللي بهد اياه
وأصلا هم ماهم مانعين بناء المساجد بالعكس في مساجد كثير بالدول الغربية
انا عايش بأمريكا والمنطقة إللي أنا فيها فيها مسجدين وواحد اسمه مسجد القسام وما عليها اي مشاكل
بالعكس المسلمين هون ماخذين حريتهم كثير (( طبعا أكيد اتضررو بعد أحداث سبتمبر بس ضل في حرية))
وبدي أحكيكلم قصة وصارت في نيويورك في ناس مسلمين اشتروا معبد لليهود على اساس انهم يفتحوا نادي بلياردو وفعلا اشتروا وخلصو وكل اشي تمام.
بس المسلمين ما فتحوا نادي فتحوا مسجد وراحو اليهود وقدمو شكاوي ودعاوي للمحاكم وصارت ضجة كبيرة بنيويورك على هاي القصة. بس اليهود ماطلع بإيدهم شي وانحسمت القضية للمسلمين والحمدلله.
مش كان بإمكانهم الأمريكان وبكل سهولة يحكمو لصالح اليهود بس خلص كل شي صار رسمي.
وانا بحكي سيبونا من هاي المواضيع وخلينا نتطلع لأبعد من هيك.
وين المشكلة بفتح كنيسة بقطر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟