المشاركة الأصلية كتبت بواسطة احلا فوفو
اوكي خيتوو
ليش انا شو حكيت
مهالحكي بالزبط انا التو
بعدين بالنسبة للحجاب
رح احكي بصراحة وما بيهمني شي
انا وحدة مسلمة وبعرف الله منيح
بس حجاب مو محجبة
وهي بصراحة
ونفسي اتحجب
وجربت اتحجب
بس بابا ما عجبو وخيي ما عجبو
وصرت متل المنبوذة بالبيت
يعني كنت بس اطلع يحكيلي بابا وين طالعة ومع مين وما تتأخري
وبس اتحجبت ما عاد يحكيلي الله معك
فاطريت اشلحو
ونحنا عنا بالعيلة ما حدن محجب
لانو عندن مبدأ انو الحجاب بس لتتجوز البنت <--- وازا جوزا ابل تتحجب
بس الحمدالله بعرف الله اكتر من عالم كتييييييييير
وعم حافظ عحالي وعديني
فما دخل الحجاب
صح الله حكي انو فرض
بس الحجاب ما بيأثر ععقيدتنا الاسلامية
ومع هيك يسلمو
بيضلو مجرد رأي لالك ^^
ممممممم
شوفي أختي ،، انتي بتعرفي أنه الحجاب فرض و انه امر من ربنا ،،
و بتعرفي كمان انه -(
وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالا مُبِينًا )-
يعني انه أبوكي و اخوكي يعترضوا ع الحجاب مش مبرر أنك تشلحيه
ولا طاعة لمخلوق في معصية الخالق ،،
لازم تعتبري الوقت الصعب اللي بتمري فيه اختبار من الله على صدقك و اقبالك على الطاعة
و ما بعد العسر الا اليسر
قضية ان الحجاب ما دخلو و انه ما بأثر على العقيدة ،، كلام غلط و كمان مش مبرر لترك الحجاب
خاصة و انه عذاب الغير محجبة اليم جدا ،،
اللي فعلا مقتنع بأمر من الله ما بتركوا
بعدين حطي ببالك ،، يوم القيامة .. لما الله يسألك عن سبب تركك للحجاب ،، هل رح تجاوبي انه بسبب ابوكي و اخوكي ؟؟
بشو رح ينفعك هالمبرر؟ بل هو عذر أقبح من ذنب
خفتي من ابوكي و اخوكي و ما صبرتي و ما جاهدتي لرضى ربنا ،، و نسيتي انه الله أحق انك تخشيه
و اعلمي انه في بنات انطردوا من بيوت آبائهم و من شغلهم و عانوا كتير عشان الحجاب
و عشان رضى ربنا
فالمرحلة اللي مريتي فيها هي مجرد ابتلاء من ربنا حتى يختبر صدقك و اقبالك على طاعته
فبتمنى ترجعي للحجاب و تتوبي و تصبري على البلاء
و اعلمي ان الله لا يضيع اجر من أحسن عملا
سلامي