حسبنا بالله هو نعم الوكيل
هذا اللي صار بغزة..
طيب شو رأيكم أحكيلكم شو صار برام الله؟؟!!
لأنه صدف انه يوم احتفالهم قصدي مسيرتهم
في ذكرى رحيل أبو عمّار
أنا كنت بدوامي بمركز برام الله
كل شوارع رام الله ملياااااااااااااانة
ما في مجال الواحد يمرق من الشارع
الأغاني بمكبرات الصوت.. بلشت وطنية بعدين الله أعلم شو صار فيها!!
شباب و صبايا مع بعض// معلش اليوم عشان ذكرى المرحوم كلشي مسموح
من بين 5 شباب.. 4شباب و نص رابطين الحطات شي على راسهم و شي على خصرهم!!
ولا بنت بتمرق من الشارع و بتسلم من تعليقاتهم و مسخرتهم
و خاصة اذا كانت محجبة!!!
هذا كان في 11/11 يوم الاحتفال
تاني يوم كان الاحتفال بغزة
يعني المفروض رام الله خلص ما دخلها احتفلت و خلصت
بس لو تشوفوا شو عملوا
بوسط رام الله
و بالتحديد على دوّار المنارة
حشود صفراء
رافعين راية خضراء!!!
أنا انصدمت بس لما قربت من الموقع فهمت شو عاملين
رافعين راية خضراء... راية لا اله الا الله... راية رسول الله صلى الله عليه و سلم
يمكن نسوا كل هالحكي من حقدهم على حركة المقاومة الاسلامية
رسموا على الراية جمجمة و تحتها × يعني خطر الموت
و كتبوا تحتها
حركة الانقلاب الايرانية!!!
و الأدهى و الأمر انهم رفعوها بنص الدوار فووووق عشان الكل يشوفها
و طلعوا شبين (ولا سيد الرجّالة)
و رفعوا الراية فوق و بعد دقائق واحد منهم مسك طرفها و ولع فيها النار!!
لم أتمالك نفسي وفقعت من الضحك :)
عنجد أغرب احتفال تأبين لرئيس بمر علي بكل حياتي!!
حسيته كرنفال :)