والله الموضوع بالنسبة الي عادي
و مش شايفة وين الضرر ازا فتحوا كنيسة في بلد عربي اسلامي
لانه في الاصل الاسلام سمح لكل شخص يعيش في بلد اسلامي انه يمارس عقيدته و عبادته
بل حرام علينا احنا المسلمين اننا نمنعهم
انا ما بقول انه لازم نحكي لاي شيء غربي اهلا و سهلا ...
و كمان مش اي مسيحي بكون غربي ... في كتير عرب نصارى
بعدين مش فاهمة من شو خايفين ؟
خايفين ينشروا المسيحية ؟
طيب اي مسلم عقيدته قوية ما رح يتأثر بوجود الكنائس ... انا بخاف على المسلمين من القنوات العربية الفاسدة اكتر من الكنائس
بدي اعلق على كلام اخي اشرفو
يعني امريكا واوروبا عندها اشهر واجمل مساجد في التاريخ كلها للمسلمين
والله يا اخي هاي حالات خاصة ... و اذكرلك مثال حيخليك تتخلى عن هالرأي
احنا هون بنحاول من 5 سنين نجيب تصريح ببناء مسجد موسع ... لانه اللي عنا هلأ ضيق و نضطر احيانا نصلي برة ع الرصيف
اخيرا جبناه بشق الانفس ... و المساجد لازم المسلمين هما يدفعوا تكاليف البناء ... واللي غالبا توصل لاكتر من مليون يورو .
زد على ذلك المراقبة المشددة و ممنوع يفتح المسجد الا في اوقات الصلاة .
احنا مش احرار هون يا اخي ... والله مقيدين و ما النا اي حرية ... بعين الله
و شكرا على الطرح