كل الاماني .. صارت اوهام باوهام
وكل الوعود اللى وعدتينى .. كذوبه
كانت تقول اصبر .. تر العمر قدام
ولابد تشرب عقب مره .. عذوبه
وكنت اتأمل فى .. مقابيل الايام
لكنها الايام .. دايم لعوبه
كل بهالدنيا .. له حظوظ واقسام
مره سعيد .. ومره يشق ثوبه
وانا لى الله .. طاح حظي ولاقام
دايم بدنيا الحزن .. نفسي مغلوبه
يابنت .. انا شاري لحبك وسوام
لو الوفاء نوبه .. علي بالف نوبه
يابنت انا حالف .. ولو مرت اعوام
ماخون عهد الحب .. لو جاء غروبه
اما اصدقي بالحب .. بشوق وهيام
ولابقول من الهوى .. الف توبه