[B a s i m a]

و الله أول ما سمعت الخبر على التليفزيون...


... صعقت ...


ضليت فترة عبال ما استوعبت


...معئول...


مية فلسطيني...ضاقت بيهم كل الأراضي العربية...و أتاهم الغيث من بلد أجنبي مسيحي...و تلات خطوط تحت كلمة مسيحي...


شعور بالخزي...

بالعار...

و بالضياع...


شعور بيخلي الواحد على وشك إنه يتبرأ من كل شي عربي...بس الواحد بيستدرك نفسه و بيحكي مش عشان قلة فاسدة أتبرأ من الكل...


بيكفي ضياع ...بيكفي تشتيت...بيكفي دموع و بكى...


لما الواحد يشوف الست أم 80 سنة عم تبكي عشان مش هاين عليها تموت إلا بأرض عربية...و عم بتناضل إنها تاخد بنتها معها...و شو بدها تروح تسوي لحالها هناك...


دوامة...دوامة من التشتيت...بنبدا من نقطة و بنرجع لنفس النقطة...هدا هو حالنا و حيضل هدا هو حالنا..


لا حول و لا قوة إلا بالله...
اللهم إنا لا نسألك رد القضاء و لكن نسألك اللطف فيه...