[عاشق الدموع الحزينة]

بسأل يمكن يكون الجواب شافي لصمتي المجروح ،

اللي وصل حدوده لدرجه إن خوفه صار واضح بعيونه ،

هو الزمن عشان يستمر لازم يكون الغدر بصمه تعتلي محياه

والامانه فيه تنداس والخيانة بغدرها توصل ارفع ابوابه .


تعيش بصمت تفضحك دمعتك في لحظه تفقد فيها عز شموخك ، شموخك الي تجرح بأسباب من حطك أهم ناسه وتناساك يوم إنه لقى مصالحه .


الطيب كان ساسي والحين هو أكبر أمراضي ،

الضحكة كانت عنواني والحين هي أعظم أمنياتي ،

الحزن كان أبعد أعدائي والحين هو أعز أصدقائي ،

الوفاء كان أميز صفاتي والحين أخافه حتى مع أقر من هم من حولي .


صارت الرؤية مصابه بالانمخاش ،

وكل من حولي أصابهم فجأة الانكماش ،

صرت امشي وحيد في دنيا كلها تشويش ،

واللي أتعبني حيل إني صرت كأني جندي من دون رشاش .




: ومضه مضيئه في سماء الأمل :

يالله يامن تعلم بجميع الاحوال وبكل شيء صار ، سألتك سؤال المرتجي المحتاج إلى كل الاعذار ، سألتك يارب ياكريم يامنان يامن بيده كل شيء ياودود ياغفار ، سألتك تلهمني السلوان والحكمه والقدره والصبر .