المشاركة الأصلية كتبت بواسطة blue-girl
انتو ليش هيك معتبرينها تحدي هو عادي انا من ناحيتي ما بدخن بس انتو لييييش شيفنها تحدي للرجل ؟؟
يعني انا ممكن ادخن و اشيش وانا بشيش بصراحه بس مستحييييييل اكون في مكان عام او قدام حدا غريب مع انو الكل بيعرف بس انو البنت تدخن في مكان عام ليششش؟؟
الله جابرك ولا بدك توري الناس نوع السجائر !!
يا بنت الحلال ... حكمي دينك و عقلك
اختي الدخان مرفوض من الشباب و البنات ... و هو حرام
و ما حد يحكي انه مكروه ... قال شو : ابن عم الحرام 
طبعا الكل عارف ليش ... ما فيه غير الضرر و ما منه فايدة
مضيعة للمال و الصحة
اختي انا مش معتبراها تحدي ... لكن أعتبرها ضعف في الشخصية و غباء و تقليد أعمى ... على فكرة مش بس الدخان حرام
الشيشة كمان حرام ... هي من نفس عيلة الدخان ... قرايب يعني خخخ ...
و بصراحة انا مش منصدمة منك لما حكيتي انك بتشيشي و فخورة بهيك شي
شفت بنات في صفي ايام ما كنت بالمدرسة - هون في فرنسا - بيتعاطوا مخدرات ... ع العموم هادا مش موضوعنا
اختي قليلي هلأ ... ليش انتي بتشيشي ؟؟؟
شو ياللي دفعك لتجربة الشيشة ؟
انا اقول انه ممكن يكون تأثير المحيط اللي حولك ... أبوكي ... أمك كمان يمكن بتشيش ... اخوانك او اخواتك
أو ممكن عشان تثبتي أنك - بمية راجل ... و مش هامك حد -
أو يمكن فضولك لتجربة الشيشة خلاكي تدمنيها ممكن ...
أو أو أو ...
مهما كانت الأسباب و الدوافع ... اقول انه الدين عندك مش محتل مكان واسع في قلبك ... عذرا
حتحكيلي انا من وين بعرفك و ما شفت قلبك شو فيه ...
انتي بنت طيبة و بتحبي الله و الدين ... بس ما بتطبقي ... و هادا اللي خلاكي تجاهري بالمعاصي و تفتخري انك تشيشي و ممكن تدخني كمان
ابشرك اختي ... قبل ما تجربي الدخان كمان ... انه حرام ... و في نظري اللي بيشرب دخان ما بيفرق عن اللي بيشرب خمرة
و الشيشة في نفس المرتبة
و انتي ما تتستري عن العوام لما تشيشي الا لانك عارفة يقينا في اعماقك انها غلط ... و غلط كبير كمان
بس خليتي الله اهون الناظرين اليك ... واستصغرتي المعصية ... و اخذتك العزة بالاثم
اتمنى تراجعي نفسك و ترجعي لدينك و صوابك ...
و الله يهدي شبابنا و بناتنا ... و الله شي بيقطع القلب