[اسيرة النجوم]

1_ شو رايك بالشخص الي يحكي انا بكرهك بكل صراحة

الك يا عم مبين من سؤالك هاد انك بتكرهني
الك شو علينا تكرهك حية ان شاء الله
المهم رايي فيه انو رخم ودب ولازمو علقه
بقى فيه حدا يكره اسيرة
الله يسامحو

2_ احكيلنا عن خبر محزن سمعتيه وكذلك خبر مفرح

خبر محزن سمعتو في حياتي يمكن خبر وفاة جدي الله يرحمو
خبر مفرح لالي هي يوم عرفت اني نجحت في الباكلوريا بمعدل عالي
ساعتها كنت راح اطير من الفرح

3_ ايش هيه نقطة التحول بحياتك

نقطة التحول بحياتي
انا اول منجحت في الباكلوريا اتغيرت حياتي ميه بالميه
يعني شفت عالم جديد
وبعديها حملت مسؤولية اني اتعرف على العالم الخارجي

4_ عمرك شعرتي انك راح تموتي بلحظة من اللحظات

اه شعرت فيها في كتير من اللحظات
ولكن في مرة كاني عشت الموت ورجعت للدنيا

5_ علي اي اساس بتختاري صديقة الك

على اساس انها تكون قريبه من شخصيتي
ووفيه

6_ لو رجع قسامي غزة تاني علي المرارة شو الاسئلة الي هتساليها اله

اول شي راح اطلعلو كل مصارينو ومرارتو وكل شي
والاسئله هي
1/ من هو قسامي غزة ؟
2/ من هو اقرب عضو لالو في المنتدى ؟ يعني اللي بيحسو قريب من شخصيتو ؟
3/ لو اعطيت لقسامي غزة امنية ستحقق شو راح يتمنى ؟
وراح اطلب منو يصورلي غزة كلها مدينه مدينة حارة حارة شارع شارع

7_ايش الصفات الي بتكرهيها باسيرة النجوم
بكره انها بتفكر بعاطفتها اكتر من عقلها

8_لما تكوني متضايقة وزعلانة وين المكان الي بترتاحي فيه
او مين الشخص الي بترتاحي معو

بروح دغري عند اختي الحبيبة حسناء
وبقعد احكيلها وهي تصبرني
وينك يا حسناء اشتقتلك

9_ كيف بتستغلي وقت الفراغ الي عندكـ

زمان كنت بستغلو بقراءة الكتب او الكتابة
هلا بستغلو في منتدى شباب فلسطين او في النوم
هههههههههههههه

10_ شو حابة تسمي اولادك وبناتك لما ييجوا طبعا ههههه

طيب بالنسبة للبنات بحب اسميهم : اسراء واريج وريهام ورحاب
بالنسبة للشباب: جهاد وسيم وسام ياسر

11_ بتتقاتلي مع اخوانك او خواتك الاكبر منك

الك فيه حدا ما بيتقاتل مع اخواتو يعني بس مو مقاتله
يعني اختلاف صغير بس مو مقاتله لك شو هالكلمة ؟

12_ ايش في شغلة بتكرهيها بشخصية قسامي

يعني الحمد لله الاخ قسامي ما شفت فيه غير الخير
وشاب كويس والله يوفقو يارب ويحرسو

13_ايش هوي شعورك لو كنتي انتي ونور في مطعم واكلتوا لما شبعتوا وطلبتوا اشياء كثيرة بثمن غالي وفحاة بدك تدفعي الفلوس لقيتي حالك ناسياهم بالبيت ونور كمان مش حاملة فلوس كيف بدك تتصرفي بالموقف هاد

يعني الانسان بيبين من وشو واكيد ادا حكينا صاحب المحل انو نرجع ما بيحكي شي
لكن لو صارتلي راح اطلب من نور تضل في المطعم لغاية مروح للبيت اجيب فلوس وارجع
سهله كتير ما بدها غلبة