بعتوا لى اهل الهوى
عايزين يعاتبونى
قالوا بالغت فى الهوى
وقاعدين يلومونى
رديت عليهم وقلت
هاالاقيها منكم واللا من عازولى
ياناس حرام عليكم
دابدل ماتساعدونى
دا حبيبى اهل للهوى
وعيونه شغلت لى عيونى
وليلى بقى نهار
واسالوا قمرى ونجومى
والنوم خاصمنى وهجر بيته فى عيونى
وفات مكانه صورة حبيبى
ملت قلبى وعيونى
قعدت اوصف فى حبيبى كتير
واخرتها قاموا وسابونى
ماانتم لو شفتم حبيبى
ماكنتم لمتونى